Labing unang Buildrite Cup sa A+EBA mosikad na

CEBU, Philippines — Ang labing unang Buildrite Cup sa Architects+Engineers Basketball Association (A+EBA) mo-arangkada na karong adlawa didto sa Cebu Port Authority (CPA) gymnasium.

Si A+EBA Vice President for Operations Josephril Partosa mipahibawo atol sa usa ka press conference kagahapon didto sa Dimes Bistro+Coffee nga miabot ngadto sa 12 ka teams ang mopakita'g aksiyon sa torneyo nga gipaluyohan sa Buildrite Contruction Chemicals isip major sponsor inabagan sa Golden Hammer Construction Supply, Litepanel, HD Prime Lift, BM Engineering, EGS, Strato Builders & Services, Dextructures, ug New Framework Builders. Ang Bracket A gilangkoban sa Max Bond, TOFil, Blocktite, Sinclair, Blockout, ug Sapal.

Samtang magkumbati sa Bracket B ang Stop Gap,  Handyfix, Rubberstop, Smartbond, Floorteck, ug Confix.  Moduwa sila ubos sa single round robin format sa eliminasyon.

Ang top 4 matag bracket mo-abante sa quarterfinal playoffs. Ang mga mananaog molahos ngadto sa semis, ug dayon sa finals.