Rider dedbol, angkas sugatan sa salpok

MANILA, Philippines -  Namatay noon din ang isang 23-anyos na lalaki habang sugatan ang angkas nito matapos na masalpok ng isang mixer truck ang kanilang motorsiklo sa kahabaan ng Centenial Road, Brgy. Tabon 1, Kawit, Cavite.

Ang nasawi ay kinilalang si Kennex Lendon D Biag, residente ng Lot 3, Blk 15th Avenue, Phase 2, Suburbia Subd., Parang, Marikina City.

Habang kritikal sa pagamutan ang backride nito na si Eduardo Q Sister, nasa hustong gulang, ng Pinagbayanan, San Juan, Batangas.

Arestado ang driver ng mixer truck na si Dominic Lingan, residente ng Brgy. Toclong, Kawit, Cavite. 

Sa ulat, bandang ala-1:00 ng madaling araw magkaangkas ang mga biktima sa Honda 125 plate no. DA-29655 at bumabagtas ang nasabing lugar nang salpukin ng mixer truck (NNI-328) na minamaneho ng suspek.

Sa lakas nang pagsalpok ay tumilapon ang mga biktima at nagtamo ng matitinding sugat sa katawan at ulo.