Hiyasmin (243)
“WALA namang bayad ang mangarap, Mareng Lira kaya pangarapin mo nang pamamanahan ka ni Rashid at pati na si Hiyasmin,’’ sabi pa ni Nanay Julia na aliw na aliw makaraang malaman mismo kay Mama Lira na itinanong daw ni Rashid noon kung saan siya nakatira sa Maynila. Ibig sabihin may interes talaga sa kanya ang Kuwaiti—baka mahal talaga siya nito at natatakot lamang sa mga magulang.
“Paano nga kung biglang dumating si Rashid at hinahanap ka, Mareng Lira? Dapat nakahanda ka rin.”
Humalakhak si Mama Lira. Kanina pa siya ayaw tigilan ni Mama Julia na aliw na aliw sa kuwento kung paano sila nagkaibigan ni Rashid.
“Nakakatuwa ka talaga Mareng Julia. Hindi talaga nagkamali si Hiyasmin na ikaw ang naging biyenan—napakamasayahin mo.’’
“Pero alam mo bang mataray daw ako sabi ni Dax kay Hiyasmin. Ikinuwento sa akin ni Hiyasmin. Kaya nagtataka raw si Dax kung bakit magkasundung-magkasundo kami ni Hiyasmin. Hindi naman ako mataray, di ba Mareng Lira.”
“Oo. Kaya nga magkasundo tayo di ba? Gusto nga kitang kakuwentuhan.’’
“Teka itutuloy ko yung tinatanong ko sa’yo kanina —paano kung biglang dumating si Rashid at hanapin ka—kayong dalawa ni Hiyasmin?’’
“Sige na nga pagbigyan na kita sa matayog mong imahinasyon. Kung darating si Rashid at hahanapin ako e di wow! Iwe-welcome ko siya. Itutuloy
- Latest
