Hiyasmin (161)
“Totoo po na naka-panty lang ako kapag natutulog. Mapresko po kasi at komportable ako sa pagtulog,’’ sabi ni Hiyasmin na nagtataka kung paano nalaman ni Nanay Julia na naka-panty lang siya kapag natutulog.
“Ah, totoo pala,’’ nasabi lamang ng matanda.
Napamaang si Hiyasmin.
“E nanay kanino mo po nalaman ‘yun?’’
Napangiti ang matanda.
“Ibubulong ko sa’yo. Halika.”
Inilapit ni Hiyasmin ang taynga sa bibig ni Nanay Julia.
“Kay Dax—sinabi sa akin ni Dax. Tinawagan ako sa cell phone.’’
“Bakit po kaya sinabi pa sa iyo ‘yun?’’
Napangiti ang matanda.
“Nagtataka rin ako kung bakit.”
“Ano pa po ang sinabi ni Sir Dax?”
“’Yun lang naman. Pumasok daw siya sa room mo at nakita kang natutulog na naka-panty.”
“Sinabi po ba na pinagsabihan ako—huwag daw akong matulog na naka-panty lang at saka isara lagi ang pinto at baka may pumasok na magnanakaw.’’
“Oo sinabi niya sa akin ‘yun.’’
“Pero bakit po sinabi pa sa iyo, Nanay?’’
“Palagay ko, e gusto lang niyang magsumbong. Medyo may pagkakonserbatibo ang anak kong ‘yan. Ayaw na makikitang nakaladlad ang katawan ng babae.’’
“Parang ganun nga po ang dating sa akin, Nanay—istrikto po si Sir Dax.’’
Napangiti si Nanay.
“Pero alam mo Hiyasmin, naramdaman ko kay Dax—may gusto siya sa iyo.’’
“May gusto po?”
“Oo.’’
(Itutuloy)
- Latest
