Hiyasmin (76)
“PUWEDE na ba akong magtayo ng food business?” sabing nakatawa ni Dax makaraang tanungin si Hiyasmin kung masarap ang nilutong spaghetti.
“Puwede na Sir Dax.’’
“Hmmm binobola mo ako.’’
“Puwede na talaga. Masarap. Saan ka natutong magluto ng spaghetti?’’
“Sa internet lang. Nagre-research ako.’’
“Iyan ang hindi ko pa nasusubukan, Sir Dax.’’
“Subukan mo. Madali lang.’’
“Pero talo naman kita Sir Dax sa pagluluto ng sinigang na isda at nilagang baka.’’
“Oo nga dun mo ako talo.’’
“Turuan mo akong magluto ng spaghetti, Sir Dax. Para sa birthday ko, spaghetti ang handa ko, ha-ha-ha!’”
“Oorder na lang tayo at saka cake.’’
“Para akong bata, Sir Dax.’’
“Totoo, maghahanda tayo sa birthday mo. O kung gusto mo, kakain tayo sa labas.’’
“Huwag na Sir Dax. Marami na akong utang sa iyo. Dito na lang tayo sa bahay mag-celebrate. Imbitahan natin ang tatay at nanay mo.’’
“Sige.’’
Iniba ni Dax ang usapan.
“Ilang buwan na lang at ga-graduate ka na ng college, Hiyasmin.’’
“Oo nga po.’’
“Natutuwa ako at malapit ka nang matapos.”
Itutuloy
- Latest
