Suklam (158)

Desidido na si Brent na si Leah ang ba­baing kakasamahin habambuhay. Mahal na mahal niya si Leah. Wala nang dahilan pa para yayain na itong pakasal. Kaya na niyang magpa­milya sapag­kat ma­ganda ang kanyang trabaho. Mayroon na rin siyang naiipon na sapat para sa pagpapakasal nila. Mayroon na rin siyang hinuhulugang condo unit kaya pagkatapos nilang makasal, deretso sila sa condo.

Tama ang sabi sa kanya ni Julio na huwag nang palampasin pa ang taon na ito at magpakasal na.

Isang sorpresa ang inihanda ni Brent kay Leah. Kapag naibigay na niya ang sorpresang regalo, saka siya magpo-proposed dito at saka yayayain na niyang pakasal.

Isang mamahaling engagement ring ang binili ni Brent.

Linggo, dinalaw niya si Leah dala ang sorpresang regalo. Itinago niya sa likod at saka pinapikit si Leah. (Itutuloy)