PAGKATAPOS kumanta, nagpatuloy ang inuman at ang masayang pag-uusap nina Brent at Julio.
“Ilang taon ka na Brent?’’ tanong ni Julio makaraang uminom.
“Twenty six na ako, Julio.’’
“Puwede nang mag-asawa. Ideal age ‘yan, Brent. Wala ka pang balak?’’
“Meron na.’’
“Talaga? Kailan?”
“Wala pa naman kaming pinag-uusapan ng nobya ko pero malapit na. Baka ngayong taon na ito.’’
“Aba i-set n’yo na at ako ang ninong. Magtatampo ako kapag hindi mo ako kinuhang ninong.’’
Nagtawa si Brent.
“Ikaw talaga ang kukunin ko pero hindi ninong.’’
“Ha? E ano ako?’’
“Best man.’’
“May edad na ako para sa best man, Brent. Ninong na lang para tamang-tama. Malaki akong magbigay ng regalo baka akala mo.’’
“Aba sige, ninong na lang! Sayang ang regalo, ha-ha-ha!’’
“Iplano n’yo na.’’
“Oo, Ninong, ipaplano na namin.’’
“Anong name ni sweetheart mo?’’
“Leah.”
“Mag-prepare na kayo. Siguro naman ay kayang-kaya n’yo nang magpamilya.’’
“Oo, kaya na namin.’’
“Huwag n’yo nang palampasin ang taon na ito, Brent. Sabik na akong mag-ninong, he-he-he!’’
“Oo. Salamat, Ninong.’’
“Sabihan mo ako nang maaga para nakakapaghanda ako. Siyempre, kailangang pogi rin ako sa wedding n’yo—hindi lang ikaw.’’
Sabay silang nagtawanan.
Uminom pa silang dalawa.
Itutuloy