“TALAGA? Sinabi ng mama mo na hindi siya tutol sa akin na maging boyfriend mo?’’ tanong ni Brent.
“Oo. Boto siya sa’yo.’’
“Gusto kong makausap ang mama mo.’’
“Bakit?’’
“Magpapasalamat ako.”
Napahagikik si Leah.
“Bakit ka pa magpapasalamat?’’ tanong nito pagkaraan.
“Siyempre para matuwa lalo sa akin ang Mama mo.’’
“Kahit hindi na. Alam na niya yun, Brent.’’
“Basta magpapasalamat ako sa kanya.’’
“Sige kung yan ang gusto mo.’’
“Pero bait na bait talaga ako sa mama mo. Marahan siyang magsalita na parang hindi marunong magalit.’’
“Ganun talaga siya Brent. Kaya nga nang magbalik si Papa at nakikiusap kay Mama, hindi ko inaasahan na masama pala siyang magalit.”
“Nakakahanga ang mama mo, Leah.”
LINGGO. Dinalaw ni Brent si Leah. Tamang-tama nasa salas si Aling Perla, mama ni Leah.
Nakipagkuwentuhan si Aling Perla kay Brent. Sinamantala ni Brent ang pagkakataon at sinabi kay Aling Pera na nobya na niya si Leah.
“Alam ko na Brent,’’ sagot ni Aling Perla.
Itutuloy