Suklam (146)

“Natatakot ka pa bang makipagre­lasyon, Leah?’’ tanong muli ni Brent. May pag-aala­ngan sa boses niya. Igina­galang niya si Leah anuman ang desisyon nito.

“Hindi na Brent. Handa na akong makipagrelasyon­ at handa na ring… mag­mahal.’’

Nasiyahan si Brent sa sinabi ni Leah.

“Handa mo na akong sagutin kung ganun?’’ tanong ni Brent na hanggang taynga ang ngiti.

“May tanong ka ba?’’ tanong din ni Leah na gustong matawa.

“Hindi pa ba ako nagtatanong?’’

“Hindi pa! Ano ba ang tanong mo at sasagutin ko?’’

“Akala ko pa naman sasagutin mo na ako.’’

“Wala ka ngang tinatanong paano kita sasagutin.’’

“Mahal mo ba ako?’’ tanong ni Brent.

Hindi makasagot si Leah. Natigilan. Huling-huli siya ni Brent.

“O ba’t ayaw mong sumagot?’’

“Oo na nga. Sinasagot na nga kita. Ang galing mo talagang magtanong Brent.’’

“Sabihin mong mahal mo ako.’’

“Hoy sumusobra ka na Brent. Sinagot na nga kita e gusto mong may pahabol ba.’’

“Sige kiss mo na lang ako.’’

“Loko ka talaga ka, Brent.’’

“Pinatatawa lang kita, Leah.’’

“Mahal naman talaga kita, Brent.’’

“Mas mahal kita Leah.’’

Hinawakan ni Brent ang ka­nang palad ni Leah. Pinisil.

(Itutuloy)