Suklam (126)

“Matagal nang patay ang father ko—inatake sa puso,’’ sabi ni Leah.

“Ah. Ako naman patay nang mother ko,’’ sabi naman ni Brent.

“Matagal na?’’

“Oo—kanser.’’

“Ah.’’

“Ilan kayong magkapatid?’’ tanong ni Brent makaraang sumubo ng cookies.

“Dalawa.’’

“O dalawa rin kami.’’

“Gaya-gaya ka naman, he-he-he!’’

“Hindi nga. Dalawa kaming lalaki. Baka naman sabihin mo e dalawa kayong babae?”

Nagtawa si Leah.

“Babae at lalaki.’’

“Akala ko pareho babae.’’

Iniba ni Brent ang usapan.

“Masarap ang cookies na ginawa mo. Matagal ka nang nagbi-bake?’’

“Oo.’’

“Cake marunong ka?’’

“Oo naman.’’

“Ano ‘yan libangan mo lang?’’

“Oo.’’

Inubos ni Brent ang kape.

“Ang sarap ng kape, Leah.’’

“Isa pa?’’

“Sige. Ang sarap e. Saan binili ang coffee?’’

“Binili ng brother ko sa Baguio.’’

“Ah.’’

“Sandali at kukuha ako ng kape.’’

Habang wala si Leah, pinagmasdan ni Brent ang mga nakasabit na picture frame sa wall. Bakit wala yata ang father ni Leah sa picture? (Itutuloy)