Thelma (39)

SI Mang Caloy nga ang kumuha ng panty niya? Iyon ang unang naitanong ni Thelma. Bakit nasa table niya ang panty? At nakasiksik sa pinakaloob ng drawer. Siya na nga siguro ang salarin. Ano naman ang dahilan at kinuha niya ang panty?

Hanggang sa maalala ni Thelma na may mga lalaking gustung-gustong magnakaw ng panty para masubhan ang pagkahaling sa sex. Noon, natatandaan niya ay mayroon din silang kapitbahay na mahilig magnakaw ng panty. Buhay pa ang kanyang asawang si Delmo noon. Mara-ming nawawalang panty sa kanilang lugar hanggang sa madiskubre na ang matandang binatang nangungupahan sa di-kalayuan sa kanila ang salarin. Sabi pa ni Delmo, sakit daw ang ganun. Inalala niya kung ano ang tawag sa matinding pagkaha-ling sa isang bagay at nakadarama ng kasiyahan lalo pa at may kaugnayan sa sex. Fettish. Oo tama. Fettish nga ang tawag dun.

Nadiskubre na ang matandang binata ang salarin. Nahuli pa umano ito sa inuupahang bahay na inaamoy ang ninakaw na mga panty. Matindi ang problema ng matandang binata. Hindi na pinabarangay ang lalaking nahuling nagnanakaw ng panty. Marami ang naawa dahil matanda na. Uma­lis na lamang ang matandang binata sa kanilang lugar.

Kung ganoon, maysakit si Mang Caloy dahil ninakaw ang panty niya.

Hindi mapagpasyahan ni Thelma kung kukunin ang panty. Ano bang gagawin niya?

Hanggang sa iba-lik ni Thelma ang pan-ty sa loob ng drawer. May naisip siya para mahuli si Mang Caloy Magpapain siya ng panty sa banyo.

(Itutuloy)