Ako ay Makasalanan (35)
'“MARAMING beses na ba kayong nag-sex ni Carlo?” Tanong ko kay Cherry. Wala na akong nararamda mang hiya sa pagtatanong ng mga ganoong bagay. Matapang na ako dahil sa damo.
“Ilang beses na rin. Una sa motel dun sa may Abenida. Grabe ang lalaking iyon.”
“Hindi ka nabu buntis?”
“Hindi. Baog yata si Carlo,” sabi at tumawa.
“Paano kung mabuntis kang bigla?”
“Saka na lang problemahin ‘yun.”
“Di ba sabi mo nabuntis ka ng pinsan mo noon?”
“Oo nga. Ay naku hwag mo nang ipaalala yun. Baka magtrip akong puntaham ang naka buntis sa akin nun at saksakin ko. Huwag ka nang magkuwento ukol sa nakaraan. Bad trip ka naman.”
“E anong ikukuwento ko?”
“’Yung ginawa n’yo ni Bobby di ba masarap ikuwento ‘yun.”
“Sira! Hindi ko na nga maalala ang ginawa ng gago….”
“Maniwala ako. Sarap na sarap ka e nasa harapan mo at nakasubsob si Bobby tapos hindi mo matandaan.”
“Sira! Hindi ko talaga matandaan. Hindi ko nga alam na ganun na pala ang ginagawa.”
“Pero nasarapan ka.”
Tumango ako.
“Kitam. Aayaw-ayaw ka pa.”
“Totohanin kaya ako ng Bobby na ‘yun. Muk hang inisahan lang ako.”
“Tototohanin ka nun. Kita mo nga at inihatid ka pa rito. Kung manloloko ‘yun sana hindi ka na inihatid at umalis na lang matapos kang mayakbi.”
“Anong mayakbi?”
“Mabiyak, he-he-he!”
Hanggang sa matahimik ang kapaligiran. Wala akong marinig. Natulog na yata si Cherry o nagti-trip na. Pakiramdam ko lumilipad ako nang pagkataas-taas. Ano ba itong nararamdaman ko? At pagkaraan ay naisip ko sina Tatay at Inay at pati ang mga kapatid ko. Nasa malayong probinsiya sila. Naimadyin kong nag-iisip sina Tatay kung paano magpapadala ng pera sa akin. Ipagbibili ang naaning palay at magkokopra. Ipagbibili ang alagang baboy, baka o kalabaw.
Napangiti ako. Ano ba itong naiimadyin ko. Bad trip na yata ako. Pinilit kong huwag alalahanin sina Tatay at Inay.
Hanggang sa wala na akong maalala.
Kinabukasan, hirap na hirap akong bumangon. May klase ako ng 8:00 a.m. pero hindi ko kayang pumasok. Absent na lang uli ako. Bahala nang mapakiusa-pan ang propesor ko.
Maski si Cherry ay hindi rin pumasok ng umagang iyon. Kina hapunan, nakita kong nagbihis.
“Papasok ka, Cherry?”
“Hindi. Me pupun tahan lang. Baka gusto mong sumama?”
“Ayoko.”
Mga sampung minuto makaraang umalis si Cherry, may kumatok. Nang buksan ko, si Bobby. Nakangiti. Me dala nasa supot. Nag-atubili ako kung papapasukin siya o hindi.
(Itutuloy)
- Latest
- Trending
