NANG matapos akong kumain, inilabas ni Ate Lina ang mamahaling alak. Alam kong mamahalin sapagkat ang alak ding iyon ang isinisilbi kapag nag-iinuman kami sa bahay ng aming big boss. Masarap ang alak na iyon. Suwabe kung humagod at dahan-dahan kung tumama.
“Umiinom ka, Be nhur?”
“Kaunti pero puwede ring marami.”
“Iinom ako kaya ka ilangan ganahan ka.”
“Sinabi mo.”
“Doon tayo sa salas. Mas masarap nakaupo sa sopa. Dalahin mo ‘yang baso at saka malamig na tubig.”
“Talagang mayroon kang sasabihin na mahalaga dahil gusto mong uninom.”
Hindi nagsalita.
Dinala ko ang dalawang baso at saka malamig na tubig. Nauna sa akin si Ate Lina at napagmasdan ko naman ang makinis na hita at binti. Ano itong gumagapang sa aking katauhan?
“Halika Benhur. Buksam mong alak.”
Binuksan ko. Nasamyo ko ang mabangong alak. Nakikilala sa samyo ang mamahalin at masarap na alak.
Nagsalin ako sa maliit na baso. Kalahati lang.
“Baka may duma-ting Ate Lina e ma-out of place ako.”
Nagtawa si Ate Lina.
“Ikaw talaga Benhur, ang korni mo. Para kang bakla…”
“Uy hindi ako bakla ha?”
“E bakit wala akong nabalitaan na nililigawan ka. Magbuburo ka ba?”
“Hindi.”
“O e ba’t wala kang nililigawan.”
“Wala pang magustuhan eh.”
“O baka naman hindi ka marunong manligaw.”
Umamin na ako.
“Hindi nga. Saka wala talaga akong magustuhan.”
“Kahit kailan hindi ka nagkagusto?”
“Nagkagusto. Kaya lang hindi na puwede saka hindi talaga puwede. Bawal.”
“Ay ang korni nito. Pabawal-bawal pa. Sino ba ‘yun, Benhur.”
“Saka ko na lang sabihin, hwag ngayon.”
“Ay naku, sige na nga, uminom na tayo.”
Nag-toast kami. Inubos ko ang laman ng kalahating baso. Si Ate Lina kalahati lang.
“E ikaw ano ba ‘yung ipagtatapat mo at pinapunta mo ako rito.”
Bago sumagot ay tinungga ang natitirang kalahai sa baso.
“Dahil kay Job. Me asawa pala siya. Gagawin lang pala akong ka bit. Laman ko lang pala ang gusto ng hayop!”
Tulig ako. Nanga-pal ang mukha. Para bang umepekto agad ang masarap na alak.
Nagsalin muli ako sa dalawang baso. Ininom ko ang para sa akin. Si Ate Lina, nakatingin lang sa akin. Ewan ko pero natutuwa ako na wala na si Job sa buhay niya.
(Itutuloy)