Anay (ika-59 na labas)

(Kasaysayan ni E.A.E.)

“HUWAG mo akong ha­munin, Eloi at talagang hihipuan kita.”

“Sige subukan mo at nang isumbong kita sa asawa ko.”

“Di ba kabit ka lang?”

Napamaang ako. Si­na­bi ng deretsahan na kabit ako. Masakit pa­kinggan kahit na totoo.

“O e ano ngayon    kung kabit?” tanong ko. Hala­tang pikon ang boses ko.

“Wala. Kasi’y parang ang tapang mo sa akin ngayon, Eloi. Galit ka ba sa akin?”

“Hindi.”

“Kasi’y parang masa­ma ang loob mo nang mahuli mo kami ni Aling Miling.”

“Ano ba’t sasama ang loob ko. Bahala kayo sa ginagawa n’yo.”

“Me gusto ka sa akin ano?” sabi ni Gil na na­kangisi.

“Uy ba’t ako magkaka­gusto sa’yo. Me asawa naman ako.”

“Huwag ka nang mag­kunwari Eloi. Madali kong mahalata ang babae  kapag may gusto siya sa la­laki.”

“Oy kapal ng mukha mo. Ba’t ako magkaka-gusto sa’yo e may asawa naman ako. At saka ba’t ikaw ang pipiliin ko e nahi­mod na ni Aling Miling   ‘yang ano mo.”

Nagtawa si Gil.

“Napipilitan lang ako kay Matrona. Kundi nga lang kailangan ko ng pera, e hindi ako papatol sa kanya. Gusto ko sana ikaw ang ka­partner ko Eloi. Mas bata.”

“Huwag mo akong kuli­tin, Gil. Isusumbong kita sa asawa ko. O pati kay Aling Miling.”

“E sa totoo naman ang sinasabi ko na gusto kita. Gusto mo, lahat ng mahu­huthot ko kay Aling Miling     e ibigay ko sa’yo…”

Napalunok ako. Ano itong nararamdaman ko      at nagagahaman na naman ako. Pera na naman ang babagsak sa palad     ko. Ano ba itong nangya­yaring ito?

“Ano Eloi? Hindi naman malalaman ni Matrona.”

Pinipilit ako ng kumag  na ito.

“Maraming pera si Ma­trona. Ipinakita sa akin ang laman ng bankbook niya. Dami!”

Napalunok ako.

“Bukod dito sa paupahan niyang mga kuwarto e may palaisdaan pa pala siya at babuyan sa Bulacan. Sabi nga sa akin minsan e mag-picnic kami sa Bulacan. Mag-iihaw ng bangus at magpapakatay siya ng baboy…”

Napalunok muli ako.

“Sabi niya ibibigay sa akin ang anumang gusto ko. Sabi pa nga mag-resign na ako sa Customs dahil mas marami siyang atik. Kung ano raw ang nakukuha ko sa Customs, ibibigay niya sa akin…”

Ano ba itong nangyayari sa akin at takaw na takaw na naman ako.

“Sabi pa ni Matrona, ako lamang daw sa lahat ng lalaki ang inoperan niya ng ganoon. Kasi raw maliga­yang-maligaya siya sa akin. Satisfied na satisfied daw siya.”

Naalala ko ang sinabi ni Aling Miling na malaki ang hinaharap ni Gil. At parang totoo nga sapag­kat nang mahuli ko sila   sa banyo e hindi mailuwa ni Aling Miling ang naka­subong “hinaharap” ni Gil.

“Kapag nahuthot ko ang pera niya, ibibigay ko lahat sa’yo, Eloi. Tayo na ang magsama. Binata naman ako. Hindi ka na magiging kabit. Magiging Mrs. Eloi Sta. Ana ka na…”

Nangarap na agad ako. Posible nga iyon.

“Ano Eloi?”

Hindi ako makasagot. Naguguluhan ako.

(Itutuloy)