Anay (ika-40 na labas)

(Kasaysayan ni E.A.E.)

KILALA ko ang boses ni Aling Mi­ ling at hindi ako ma­aaring magkamali na siya ang kausap ni Gil. Kahit nakaawang nang bahagya ang pinto, hindi maikakaila ang malagong boses ni Aling Miling.

Kinabahan ako kaya umalis ako sa pag­kakaupo sa harap ng mesa at bahagyang nagkubli sa divider. Kung si­silip sa loob si Aling Mi­ling, hindi niya ako maki­kita. Kabisado ko na si Aling Miling. Bu­kod sa ba­baing “mahilig sa lalaki”  tsis­mosa rin siya. Kapag nakita niya ako tiyak na makararating kay Kuya Mike at patay ako. Sigura­dong sasabi­hin niya na mayroon ka­ming gina­gawa ni Gil sa ku­warto. Madali nang mag-imbento ng ikuku­wento. Lalo pa’t may lihim siyang inis kay Gil dahil hindi niya ito “nakuha”.

Patuloy ang pag-uusap ng dalawa. Pinag­mamasdan ko si Gil na habang nakikipag-usap kay Aling Miling ay naka­hawak ang kanang ka­may sa pinto na parang nakahandang isara sa­kali’t pumasok si Aling Mi­ling. Ano kaya ang sadya ni Aling Miling at parang mahalagang-mahalaga ang pinag-uusapan.

Akala ko ba’y hindi na siya pinapansin ng ma­tanda dahil sa pagtanggi niya sa kagustuhan nito? Baka si Aling Miling ang gumagawa ng paraan para sila magkabati muli.

Istorbong matanda ito, naibulong ko. Ang sarap ng kain namin ni Gil ay big­­lang umeksena. Na­bitin tuloy  ang kain ko.

Hanggang sa mapan­sin ko na tuluyan nang isinara ni Gil ang pinto. Nagmamadaling nag­tu­ngo sa kinaroroonan ko.

“Huwag ka munang la­labas, Nene at baka ma­kita ka ni Aling Bogli…”

“Bakit Gil?”

“Pinapupunta ako sa kuwarto niya at may ipi­na­aayos. Hindi raw niya ma­isara ang gripo e buma­baha na sa salas niya.”

“Bakit ikaw ang tina­wag?”

“Ewan ko. Sandali at pu­puntahan ko. Huwag kang lalabas. Ipagpatuloy mo ang pagkain at ba­balik agad ako.”

“Sige. Pero kapag nag­­­tagal ka, pupunta na ako sa kuwarto ko at baka makita pa ako ni Aling Miling dito e kung ano ang itsismis sa akin.”

“Basta dito ka lang at babalik agad ako. Marami pa tayong ga­gawin…”

Hindi ako nagsalita.

Mabilis namang lu­ma­bas si Gil at kinabig ang pinto.

Ipinagpatuloy ko ang pagkain.

(Itutuloy)