Ulag (15)

(Kasaysayan ni L.B.G.)

MARAMI pang na­laman si Sam tung-kol kay Nellie. Na­ikuwento raw ni Nellie na binubugbog siya ng asawang Briton. Tinanong daw ni Sam kung ano ang dahilan at binubugbog siya, hindi naman daw masabi ni Nellie.

“Kaya pala meron kang pasa sa braso no­ong una kitang    ma­kita.”

“Oo.”

“Walanghiya na­man pala ang asawa mong Briton.”

“Walanghiya ta­laga, Sam. Kung ma­kakata­kas lang ako rito sa Riyadh gaga­ win ko.”

“Ba’t hindi mo ga­win?”

“Natatakot ako.”

Nagtawa si Sam.

“Pero dito sa gina­gawa natin e hindi ka natatakot.”

“Kasi’y alam kong wala siya.”

“E di tutulungan kitang makatakas, Nellie.”

“Mahirap Sam. Baka mapahamak ka pa. Delikado.”

“E di para mo na ring sinabi na titiisin mo na lang ang lahat ng sakit sa panggugulpi.”

“Kaya namang pag­tiisan. Nasanay na ako.”

“Ngayon lang ako na­ kakita ng katulad mo.”

“At saka ayaw kong uuwi sa amin sa gan­yang kalagayan. Na­kakahiya. Balitang-balita pa naman na na­kapag-asawa ako ng foreigner tapos ay big-la akong uuwi. Siyem­pre ang mga tsismo­sa, uuriratin ako. Hang­gang sa kalkalin na   pati bituka.”

“So, pagtitiisan mo na lang.”

“Oo, Sam.”

“Naaawa ako sa’yo, Nellie.”

“Huwag mo nga akong kaawaan. Gi­nusto ko ito kaya pag­tiyagaan.”

Minsang magnakaw uli sila ng sandali sa bahay ni Nellie ay may ipinakiusap si Nellie.

“Ipakidala mo na naman para sa door-to-door ang perang ito para sa nanay ko. Kasi hinihigpitan na talaga ako ni Tom. Kailangan kasi ng nanay ko ang pera dahil may sakit.”

“Magkano ‘to Nellie?”

“Five hundred dollars.”

“Mabuti hindi na-man mahigpit sa pera ang asawa mo?”

“Medyo mahigpit na pero kinukupitan ko. Alam ko kung nasaan ang pera niya.”

Napatawa raw si Sam sa sinabi ni Nellie.

“Kung hindi ako ma­ngungupit walang mang­yayari sa akin, Sam.”

Ipinadala raw ni Sam ang pera sa door-to-door. Iyon daw ang pinaka­ tulong niya kay Nellie.

“Ano kaya kung hin­di tayo nagkaroon ng relasyon Sam? Siguro napakalungkot ng bu­hay ko.”

“Kung bakit kasi  ang hilig sa dayuhan,” himig paninisi raw ni Sam kay Nellie.

“Malay ko ba kung ganyan pala ang ugali ng Briton na ‘yan.”

“Sana inobserba-han mo muna bago  ka nagpa-“ano”. Atat na atat ka kasi eh.”

“Huwag mo nga akong sisihin dahil wala nang magaga­wa, pa, Sam.”

“Naaawa nga ako sa’yo.”

Ngumiti raw si Nellie.

“Huwag mong sa­bihin na umiibig ka sa akin?”

Hindi raw agad nakasagot si Sam. At parang ganoon na nga raw ang nara­ramdaman niya kay Nellie. Umiibig siya sa babaing ito.

“E kung tumakas ka na at tayong dala­wa na ang mag­sama, Nellie?”

Hindi raw naman nakasagot si Nellie. Nabigla rin.

(Itutuloy)