"Mga partners si Jim, kaklase ko sa high school. Bagong miyembro na natin."
Walang reaksiyon. Patuloy sa pag-inom at paninigarilyo ang grupo. May nag-uusap at nagtatawanan. Hindi naman ako makakibo.
"Putsa naman makinig kayo!"
Saka natahimik. Isa ang sumagot.
"Nakikinig kami Frankie Boy. Hwag kang bugnot."
"Ang ingay kasi n’yo."
"Kilala na namin kasama mo. Hindi naman kami bingi."
Saka lamang bumaba ang boses ni Frank.
"Painumin mo na ‘yan Frankie Boy. Mamaya puwede nang sundutin yan…" sabi ng lalaking medyo tigasin kaysa kay Frank. Ano kaya ang susundutin.
Pinilit akong painumin ng beer ni Frank. Mapait. Inubos ko ang nasa bote. Nakainom na rin ako noon ng beer. Pinainom ako ni Kuya Felipe. Para sa akin ay hindi masarap. Naroon ang pait.
Nakaramdam ako ng hilo pero kaya ko pa naman. Binigyan uli ako ng ikalawang bote ni Frank.
"Hindi ko kaya Frank, tutol ko."
"Kaya mo ‘yan,"
Wala akong magawa kundi inumin ang beer.
Nang lumalim ang gabi ay saka ko nalaman kung paano ang pagsundot. Shabu ang pinangsusundot nila. Inalok ako.
(Itutuloy)