Babae na may napakaraming koleksiyon ng stuffed toys, nakatanggap ng Guinness World Records!
ISANG 27-anyos na babae sa Illinois, U.S.A. ang nakapagtala ng world record dahil sa malaki niyang koleksiyon ng stuffed toy brand na Squishmallows!
Kinumpirma ng records keeping organization na Guinness World Records na si Sabrina Dausman ang pinakabagong record holder ng titulong “Largest Collection of Squishmallows” matapos umabot sa 1,523 na piraso ng Squishmallows ang kanyang koleksiyon.
Sa panayam kay Sabrina, nagsimula siyang mangolekta nito noong 2018 nang makita niya ang isa sa mga variant nito na si “Fern the Valentine Fox” sa isang department store. Agad niya itong binili at simula noon ay hindi na siya tumigil sa pangongolekta nito.
Ang Squishmallows ay mga stuffed toys na kilala sa kanilang mala-marshmallow na texture. Ang mga Squishmallows ay hugis ng iba’t ibang mga hayop, mythical creatures, at iba pang cute na character, bawat isa ay may sariling pangalan at backstory.
- Latest
