MANILA, Philippines - Apat na kalalakihan ang nasawi sa insidente ng pananaksak at pamamaril sa magkahiwalay na lugar at oras sa Quezon City.
Nakilala ang mga nasawing sina Norly Solomon, 23, ng Brgy. East Fairview; Erly Deseo, 38, ng Brgy. Pansol; Rogelio Cutamora, 30, construction worker, ng Barangay Batasan Hills at Jayson Cana, 23, ng Barangay Baesa.
Sa ulat ng Quezon City Police District’s Criminal Investigation and Detection Unit, nakilala ang mga nasawi sa pananaksak na sina at Deseo, 38, ng Brgy. Pansol.
Sa ulat ng pulisya, dakong alas-7:00 ng gabi nang mapatay sa saksak si Solomon nang magkapatid na suspek na sina Aldrian at Aldrin Gulane sa may Sitio Ruby, Brgy. East Fairview nang magtalo sa inuman.
Ganito ring oras napatay si Deseo sa isang inuman sa selebrasyon ng piyesta sa Block 2-C, Kaingin I, Brgy. Pansol nang saksakin ng mga suspek na sina Jaime Atacador, 20; at Gelo Gelig.
Dakong alas-9:30 ng gabi nang barilin at mapatay ang biktimang si Cutamora, 30, sa Lakatan St., Barangay Batasan Hills nang hindi pa kilaÂlang suspek at alas-5:00 ng umaga kahapon nang barilin at mapatay ang biktimang si Cana sa Barangay Baesa ng hindi rin nakikilalang salarin.