AiAi, may rebelasyon sa ‘kabit’ ng mister

May Instagram post si AiAi delas Alas tungkol sa isang cheater at mistress nito na hindi niya tinukoy kung sino. “Hahaha ang Balita nga naman kahit akoy nanahimik bongga!! Take note si mistress ay PILIPINA,” simula ni Comedy Queen.

Kasunod nito ay nagbahagi rin ng date si AiAi at lugar kung saan spotted si cheater at mister sa USA. Ang isang place nga ay malapit pa raw sa bahay nila.

“MARCH 2024 .... Gerrys Grill si mistress naka hilig pa yung ulo sa balikat ni Cheater ( wow sweet)

“JUNE 2024 ... malapit sa jollibee ( malapit sa fremont yesss iba din malapit pa bahay namin ahhhh) holding hands si cheater and si mistress ( wow sweet ulit),” rebelasyon ni AiAi.

Aniya pa, “Lalakas ng loob ahhh puro filipino establishments at california IDOL!!! GOAT!( greatest of all time ).”

Bagama’t walang binanggit ng pangalan si AiAi, tila alam naman ng netizens kung sino ang tinutukoy niya at binigyan siya ng words of encouragement.

Matatandaang last November, 2024 ay kinumpirma ni AiAi na nakipaghiwalay sa kanya ang asawang si Gerald Sibayan noong Oktubre ng nasabing taon.

Ang sinabi raw dahilan ni Gerald ay hindi na siya masaya sa relasyon nila at nabanggit din na gusto nitong magkaroon ng anak.

Matapos ang pag-amin ni AiAi ay lumitaw ang balitang may ibang babae si Gerald at ito ang umano’y dahilan ng pakikipaghiwalay nito.

Samantala, simula nang kumpirmahin ni AiAi ang kanilang paghihiwalay ay wala pang anumang pahayag si Gerald.

Richard, niraos ang birthday sa trabaho

Kahapon (Jan. 21) ang birthday ni Richard Gutierrez pero sa halip na mag-celebrate ay nagtatrabaho ang aktor.

Pero walang reklamo si Chard at sey nga niya sa kanyang post ay grateful daw siya lalo pa nga’t maganda ang feedback sa Incognito at no. 1 nga ngayon sa Netflix.

“Working on my birthday and couldn’t be more grateful! Thank you for making our show number one on Netflix, and thank you to everyone who continues to support me on this journey,” post ni Chard.

Aniya pa ay best birthday gift daw niya ang tagumpay na launch ng serye.

“The successful launch of Incognito is one of the best birthday gifts I could ever ask for!” he said.

Nang makatsikahan namin si Chard last week ay natanong nga namin kung ano ang plano niya sa kanyang kaarawan at nabanggit nga niyang may taping sila ng Incognito sa Baguio sa araw na ito.

Pero baka raw magkaroon ng belated birthday celebration pagdating niya sa Manila kasama siyempre ang kanyang pamilya at ang kanyang twin brother na si Raymond Gutierrez.