Kakki Teodoro, 15 years ang hinintay para magka-trophy
Fifteen years na palang umaarte sa entablado, TV at pelikula si Kakki Teodoro kaya mahalaga sa kanya ang pagkapanalo niya bilang Metro Manila Film Festival 2024 best supporting actress para sa film musical na Isang Himala.
After 42 years ay na-repeat ni Kakki ang panalo noon ni Gigi Dueñas, ang original na gumanap na Nimia, sa original film na Himala sa 1982 MMFF.
Nahasa sa pagiging theatre actress si Kakki sa Repertory Philippines noong 2006. Lumabas din siya sa musicals na Zsazsa Zaturnnah the Musical… ‘Yun Lang, Ang Huling El Bimbo, Bar Boys: A New Musical at Himala… Isang Musikal.
“I am inspired by my mom who raised me as a single mother. I am inspired by my friends Joanna Ampil and Red Concepcion who have made their mark internationally. Inspirasyon ko rin ang sarili ko. We are all unique. Walang ibang Kakki sa mundo. No one has my experience, my journey, my thoughts. We need to be able to stand confidently in our power as actors and be proud of our achievements.”
Lumabas si Kakki sa TV shows na Batibot, Be Careful With My Heart, Ipaglaban Mo, K-Love, at Senior High. Nakasama siya sa mga pelikulang Enteng Kabisote 10, Bliss, A Very Good Girl at Five Breakups and a Romance.
Fabio Ide, pakakasalan na ang ina ng kanyang kambal
Bago nagtapos ang 2024, nag-propose si Fabio Ide sa kanyang partner na si Ellen Fro?jd sa isang beach resort sa Zambales.
On Instagram, pinost ng Brazilian-Japanese model-actor-entrepreneur ang pag-yes sa kanya ni Ellen.
“Ending 2024 with a bang! #SheSaidYes,” caption ni Fabio.
May twin babies na sina Fabio at Ellen na sinilang noong August 2023. May anak din si Fabio named Danielle mula sa social media influencer at anak ni Melissa Mendez na si Denisse Oca.
Meghan Markle, pwede na ulit sa social media
Pagpasok ng 2025 ay bumalik sa Instagram si Meghan Markle.
Unang post ng Duchess of Sussex sa pagbalik niya sa IG ay isang reel na tumatakbo siya sa beach at sinulat niya ang “2025” sa buhangin.
Si Prince Harry ang kumuha ng video ni Meghan sa Montecito, California.
Pina-shut down sa kanya ang personal at professional Instagram accounts niya noong nagde-date pa lang sila ni Harry in 2017.
Nasa 1 million na ang followers ni Meghan sa pagbalik nito sa IG at magkakaroon siya ng sariling lifestyle show sa Netflix.
- Latest
