CEBU, Philippines - Gikapoy na og atubang pa sa mga pangutana kabahin sa isyu kun mahitabo pa ba ang ‘super-fight’ tali sa iyang prized fighter nga si Manny Pacquiao ug undefeated American boxing champion Floyd Mayweather Jr.
Ang 82-anyos nga promoter nagkanayon bisan og unsaon niya og paningkamot ug daku niyang gusto nga mahitabo na ang sangka sa duha, dili gihapon kini mapahigayun tungod usab sa kanunay nga pagmagahi ni Mayweather.
Si Arum miingon nga mas maayo kun kalimtan nalang sa mga boxing fans ang Pacquiao-Mayweather showdown tungod kay hanap kining mahitabo. “Look, I’m tired of beating a dead horse,†matud pa niya sa sweetscience.com.
Ang Top Rank Inc. bigboss kumbinsido nga dili mahitabo nga sangkaon ni Mayweather si Pacquiao bisan pa sa kadaku sa salapi nga makuha niini tungod kay nahadlok siya sa istilo sa Pinoy boxing star nga makahatag og suliran kaniya.
Gihulagway ni Arum si Mayweather nga nahadlok moaway sa usa ka kusug nga walhon sama ni Pacquiao tungod usab kay dili haom ang istilo niini nga maoy yawi sa iyang undefeated career.
"He doesn't want to fight a southpaw. Why? Because his entire defensive style is geared for right-handed fighter,†dugang pa ni Arum.
Si Arum nagtuo nga gihuptan ni Mayweather mao ang undefeated record niini og plano niini nga moretiro nga way pilde rasun nga likayan niini Pacquiao. (BANAT NEWS)