Maroon, 4-0 na sa SRP Sunday Club caging

CEBU, Philippines -  Gipangpanitan sa Maroon ug Green teams ang ilang mga kaatbang sa duwa nila sa SRP Sunday Club Christmas League 2013

basketball tournament niadtong Domingo didto sa San Roque Parish gym sa Brgy. Subangdaku, dakbayan sa Mandaue.

 Ang Maroon midaog og 20 puntos batok sa Violet sa iskor nga 97-77, samtang giayo sab og lubong sa Green ang walay daog-

daog nga Black, 84-58.

 Mipahungaw dayon sa ilang kainit ang Maroon pagsugod aron moposte'g double digits nga labaw paghuman sa unang 10

minutos sa duwa, 26-13. Ang Violet ubos sa pag-ayuda ni Ronnie Alvarado hinay-hinay nga mibangon hangtod nakalabaw kini sa labing

unang higayon, 45-43 sa halftime.

 Hinuon, nanginit ang  Maroon sa third period aron sakmiton pagbalik ang labaw ug mipatusak kini og mga puntos aron

langkaton ang nagkutay nga upat ka daog.

 Gipangulohan ni Dumans ang kadaugan sa iyang career-high 26 puntos. Si Richie Tecson mitimbre og 21 puntos, gisundan  sa

sentrong si Marcial Marturillas sa iyang 18 puntos, samtang si Benito Aton mitikdol og 10 puntos alang sa Maroon nga nagdanga-danga

na sa Magic Four sa ilang 4-0 nga baraha.

 Tulo ka players ang mitarok og double figures alang sa naparot nga Violet team ubos sa liderato ni Alvarado, kinsa mipatuasik

og 20 puntos. Si Benjie Pelarios mipugnit og 11 puntos ug si Deo Migallen mipaksit og 10 puntos alang sa Violet nga adunay balansing 2-2

win-loss record.

 Sa laing bahin, gidominar sa Green team ang kinatibuk-ang duwa aron patilawon ang Black sa laing pait nga kapildihan.

 Ang Black wala pa gyu'y daog sa upat nila ka duwa, apan mipakita og maayong labok batok sa mas lig-on nilang mga kontra.

puntos matag usa

Unang duwa:

 MAROON (97) - Dumans 26, Tecson 21, Marturillas 18, Aton 10, Velasquez 6, Cariño 6, Duhaylungsod 4, Dy 4, Supangan 4

 VIOLET (77) - Alvarado 20, Pelarios 11, Migallen 10, Fick 8, Amora 6, Pilapil 6, Arreglo 5, Melencio 2

Ikaduhang duwa:

 GREEN (84) - Ipili 21, Bacunawa 18, Abaño 18, Fon 11, Auxtero 6, Cabrillas 5, Rico 4, Feniza 2, Cortes 2

 BLACK (58) - Ontog 11, Rumgen 8, Teody 8, Supangan 4, Lepiten 4, Chin 4, Fontanosa 3, Peligro 3, Aventajado 3, Dublin 1

 Ang SRP Sunday Club gidumala sa ilang presidente nga si Rom Castañeda.

 Natukod kini niadtong tuig 2008 ubos sa ilang founder nga si  Engr.  Lito Florentino uban nilang   Dr.  Bernard  Mansueto, Joy

Miñoza, Ricric Fontanosa, Dante  Orejudos  ug  Joel      Dublin.

 Gisuportahan sab kini ni Rev. Fr. Rolyn E. Vics, CM, ang parish priest sa San  Roque Parish ug Rev. Fr. Jovencio Rendon,

coordinator sa Sunday Club.

 Ang mga duwa gidumala ni league commissioner Monching Menaling sa abag nilang Juvenal Perolino, Van-Van Amora, Zaldo

Montayre, Paul Miñoza ug Pedro Montayre.

 Gawas ni Castañeda, lain pang mga opisyales sa SRP Sunday Club ning tuiga naglakip nilang  Jun Atillo  (vice president),

Ruben  Flores  (secretary), Glenn Castañeda (treasurer), Arnold Aventajado  (auditor)  ug   Nonoy Amora   ug  Melio   Colina    (PROs).

 Ang tinuig nga liga gisuportahan sab  ni  Subangdaku Brgy. Capt. Ernie Manatad ug councilor Amay Dy. (BANAT NEWS)