CCTV

Siplat, matag karun ug unya hala siplat

Nagpaabot unsay kausaban, bisa’g nagkalibat

Sa mata’ng way hunong sa pagbudlat

Mabatyagan lang panghitabong nagkalat

Mga mata aresgado

Lihok de numero

Konsensya imong pagakargo

Kay tumong kalipay’ng malabo  

CCTV, mga matang way pilok-pilok

Kanimo ug kanako nagatutok

Kanus-a pa kaha makalingkawas

Kagawasan ipabuhagay sa kalab-as

Apan dili sa tanang lugar o panahon

Bisan asa ka man mopahilayo

Dagan didto, dagan diri

Sa kangitngit magtakuban

Bisan sa halayo, sa kangitngit
 

Mata nga bisan asa

Sa tanang higayon, way puasa

Hangad, mata sa kahitas-an tan-awa.