The adventures of Kapitan Kurimaw

Dibuho ni Ramon Taguchi

 

Usa ka adlaw sa may Mindanao

Naa ko’y nakit-an nga tawo nga opaw

Aduna siya’y binuhi nga baboy ug kabaw

Ka kuyaw!

Atong itago ang iyang ngan sa ngan nga Kapitan Kurimaw

Usa siya ka kurimaw pero kung magmahal siya mura sa’g halimaw

Halimaw sa diskarte lupig pang sundalo’g kadete

Kun mosakay siya og taxi

Di siya mo pleti, diretso lang og batsi

Grabi siya ka bugoy, lupigan si Ondoy

Ingon siya nako iyang idol si Budoy

Nilarga siya sa Leyte, sakay sa Super Ferry

Dala iyang baboy, kabaw ug mga bagahe

Pag-dunggo didto sa barko

Nag-sight-seeing siya diretso

Sa paglingi-lingi sa iyang ulo

Nakaingon siya’g “Ginoo! Usa kini ka milagro!”

Miduol siya sa babayeng gwapa

Ug siya nangutana “Babayeng gwapa, pwede makig-ila-ila?”

Nitubag ang babayeng gwapa

“Oh sige ba, wala’y problema. Ako diay si Maria. Ikaw? Kinsa ka?”

Nitubag siya, “Ako si Jose Babaw a.k.a Kapitan Kurimaw. Usa ako ka kapitan gikan sa Lanao”

Pagkahuman niadto, naglaag-laag sila diretso

Sosyal pa kaayo, nangaon pa’s resto

Wa gihapon siya nibayad, batsi lang diretso

Apan sa ilang paglakaw-lakaw,

Nakahinumdum siya’g kalit nga nahibilin iyang kabaw

Pero okay ra daw

Basta naa’s Maria, iyang panan-aw sa kinabuhi mas matin-aw

Nagpadayun sila sa ilang paglaroy-laroy

Ug sa iyang pagkatanga, nahibilin pod iyang baboy

Nilabay ang panahon ug siya kaulion

Mistorya siya ni Maria kun pwede ba kini niya kuyugon

Si Maria instant nisugot sa wa’y mug-ot-mug-ot

Nisakay sila’g pumpboat para wa’y makabuot

Ug sa didto sa ilang pag-abot

Gisugat sila og silebrasyon nga maanindot

Hapsay kini ug wa’y gubot

Sa kadaghan sa mga tao, si Kapitan Kurimaw nisangyaw

“O, Maria, pinalangga ko! Wala na’y mas makalabaw sa akong gugma diha kanimo.

Gipangayo ko ang imong mga kamot ug sigurado akong magmalipayon ka ug dili ka

magmahay sa imong pagsugot.”

Labing ngisi ni Maria abot langit ang kalipay

Ug gisugot niya si Kurimaw nga wa’y dugay-dugay

Gikasal dayun sila sa maanindot nga simbahan sa Lanao

Ug didto ilang paghinigugmaay nagpatigbabaw

Dakong kausaban ang natumaw niya

Lahi na ang mga sa una niyang kinaiya sukad nagkaila sila ni Maria

Ug dinhi natapos ang storya ni Jose Babaw alias Kapitan Kurimaw

Dayun sila nagapuyo sa permanenteng hapsay ug kalinaw.