FDA nipasidaan nga dili mopalit sa food product nga wala marehistro
CEBU, Philippines — Gipasidan-an sa Food and Drug Administration (FDA) ang tanang healthcare professionals ug ang publiko nga dili mopalit ug mokonsumo sa food product nga Cholextrol tungod kay dili kini rehistrado ug wala mag-agi sa quality ug safety evaluation sa ahensiya.
Base sa FDA Advisory No.2024-0957 nga ang nahisgutang produkto mao ang Cholextrol nga adunay gold ug puti nga packaging ug hulagway sa gatas. Napamatud-an sa FDA pinaagi sa post-marketing surveillance nga ang maong food product wala narehistro ug walay Certificates of Product Registration (CPR) nga giisyu.
"Since this unregistered food product has not gone through evaluation process of the FDA, the agency cannot assure its quality and safety", tipik sa advisory sa FDA. Subay usab sa Akta Republika No. 9711 kun “Food and Drug Administration Act of 2009”, gidili ang paghimo, pag-import, pag-export, pagbaligya, paghagad alang sa pagbaligya, pag-distribute, transfer, non-consumer nga paggamit, promosyon, pag-advertise o pag-sponsor sa mga health product nga walay hustong awtorisasyon.
"All concerned establishments are warned not to distribute, advertise, or sell the said violative food product until CPR are issued, otherwise, regulatory actions and sanctions shall be strictly pursued", padayag sa ahensiya.
Gihangyo sa FDA ang tanang Law Enforcement Agencies (LEAs) ug Local Government Units (LGUs) sa pagsiguro nga dili kini mabaligya sa merkado o mga dapit sa hurisdiksiyon ug ang Bureau of Customs nga pugngan ang pagsulod niining dili rehistrado nga imported nga produkto. Giawhag usab ang publiko nga una pa mogamit sa mga bisan unsang produkto maayong susihon kanunay kong nakarehistro ba kini sa FDA pinaagi sa paggamit sa FDA Verification Portal feature nga ma-access sa https://verification.fda.gov.ph.
- Latest
