Tulo ka proyekto sa lungsod sa Minglanilla magamit na

MANILA, Philippines — Gipasigarbo ni Minglanilla mayor Rajiv Enad nga magamit na ang tulo ka proyekto sa lungsod sa Minglanilla.

Sa gihimong blessing sa bag-ong edipisyo sa Central School nagpasalamat si mayor Enad nga mapahimuslan na gyud sa kabataan ug mga magtutudlo ang proyekto.

Lakip sa proyekto nga mapahimuslan na sa katawhan mao ang Tungkil Covered Court diha sa Tungkil National Highschool.

Nagamit nasab ang karsada ug drainage sa Tilano, Barangay Linao.

Ang tanan nga proyekto gihatagan og pundo sa kagamhanan sa lungsod sa Minglanilla.

Nagplano nasab ang kagamhanan sa Minglanilla nga mopatrabaho sa karsada sa Barangay Calajoan.

Si Enad nagkig estorya mismo ni Governor Gwendolyn Garcia kabahin sa giplano nga proyekto ug nisanong usab niini ang gobernador. (BANAT NEWS)