Japan nisuporta sa anti-mendicancy

CEBU, Philippines — Nipakita og suporta ang Consulate General sa Japan sa gihingusgan nga Anti-Mendicancy Campaign o kampaniya batok sa magpakilimos diin nidapit ang tinugyanan ni Consul General Hideaki Matsuo sa Cebu City Anti-Mendicancy Office.

Base sa taho sa Cebu City New and Information nga nanawag sa buhatan sa CCAMO ang Consul General aron mangayo sa Information, Education, and Communication (IEC) materials nga maoy ilang ihatag ngadto sa mga kauban nila nga mga Hapon nga ania na namuyo, nagtungha, o nagnegosyo dinhi sa Siyudad sa Sugbo.

Ang maong materiyales nga gipangayo gihatud kini sa executive director sa CCAMO Gladys Van?o ngadto sa buhatan Consulate-General sa Japan nga anaa nahimutang sa Cardinal Rosales Avenue sa Cebu Business Park.

Ang CCAMO naninuod na gyud sa ilang kampaniya nga “Stop Mendicancy” diin ang Cebu City Transportation Office maoy nitabang usab sa pagpakatap sa maong impormasyon ngadto sa katawhan ilabi na sa mga hot spot area sa siyudad ug sa mga pampubliko ug pribado nga mga sakyanan. Base sa Cebu City Ordinance 1631  o ang Anti-Mendicancy Ordinance mahimong dakpon ang mga masakpan nga mohatag og kwarta, packed meals, bugas, sinina, ug uban pa ngadto sa mga magpakilimos sa kadalanan sa siyudad.  BDB BANAT NEWS