Nahugno nga riprap ipaimbestiga

CEBU, Philippines — Giawhag  karon  sa usa sa mga nagpabakabanang molupyo sa Barangay Maguikay, Dakbayan sa Mandaue  ang pagpahigayon  og imbestigasyon kalabot sa nahugno  nga ripral sa flood control  project sa Butuanon River.

Base sa suwat sa maong nagpakabana giingong nipadayag kini sa iyang mga katahap nga substandard ang maong proyekto ug mahimutang sa piligro ang mga molupyo ug ingon man ang mga establisamento nga nahimutang duol sa maong dapit

Subay niini, ang Mandaue City Disaster Risk Reduction and Management Office (CDRRMO) kinsa nisusi sa maong hitabo ang nakadiskubre ug dugang pa nga mga liki sa mga gi-riprap sa kilid nga bahin sa Butuanon River nga kalit lang nahugno niadtong Martes, Oktubre 29, 2024.

Sa mao nilang pakisusi nasuta nga 15 metros ang gitas-on sa nakasinati og mga kadaot sa maong riprap nga gihimo.

Si Felix Suico, operation head sa CDRRMO ni-cordon  na sa maong dapit aron dili kini masudlan og mga tawo.

Samtang si Engineer Gumer Castillo sa DPWH 6th engineering office nagkanayon nga gisusi na ang maong proyrekto sa ilang technical working group nga gitahasan sa pagsubay niini.

Gipadayag ni Castillo nga tipik lang kini sa 6,900 -linear meter flood control project sa Butuanon River nga ang gi-riprap nga mga bato nahunlak.  BDB BANAT NEWS