Nagpailang ex-MILF, sikop sa buybust
CEBU, Philippines — Nagpaila nga kanhi sakop sa Moro Islamic Liberation Front (MILF) sa Lanao del Norte nadakpan sa buy bust operation sa kapolisan sa Presinto 2 sa Lapu-Lapu City Police Office (LCPO) ug nasakmit gikan niini ang tulo ka paketeng shabu nga nagkantidad og P1,500.
Si Police Major Bonifacio Pareja, hepe sa Presinto 2 sa LCPO maoy nangulo sa buy bust operation sa Barangay Pajac, Siyudad sa Lapu-Lapu alas-8 pasado ang takna sa miaging Biyernes sa gabii.
Matud pa ni Pareja nga ang 47-anyos nga suspetsado dihang ilaha kining nadakpan mipakita sa iyang ID nga kini sakop kaniadto sa MILF sa Lanao del Norte.
Ang dnakpan kasamtangan karong gitanggong sulod sa holding facility sa LCPO ug gikatakna kinimg pasakaan sa paghupot g ilegal nga pagbaligya og shabu karong Lunes Oktobre 7, 2024. (BANAT NEWS)
- Latest
