3 araw tigil-pasada tatapatan ng DOTr
Magdedeploy ng libreng sakay, karagdagang bus at tren
MANILA, Philippines — Inihayag kahapon ng Department of Transportation (DOTr) na handa silang magdeploy ng mga sasakyan para sa tatlong araw na tigil-pasada simula ngayong araw (March 24) hanggang 26, 2025.
Ayon kay DOTr Secretary Vince Dizon na magdaragdag sila ng mga bus sa EDSA busway at trains sa MRT3, LRT1 at LRT2.
Maging ang Metropolitan Manila Development Authority (MMDA) ay magbibigay din ng libreng sakay sa bus na apektado lugar ng tigil-pasada.
Hinikayat ni Dizon ang transport groups ng diyalogo sa halip na magsagawa ng protesta.
“Panawagan natin na sana para sa ating mga kababayan na hirap na hirap na sa pang-araw-araw na pagko-commute, sana huwag ng mag-strike. Instead, sana mag-usap na lang muna para maintindihan ng bagong liderato sa DOTr ang mga hinaing nila,” wika ni Dizon.
Ang grupong MANIBELA ang nagsasagawa na ng jeepney strike noong Biyernes bago ang tatlong araw na tigil-pasada, simula ngayong araw.
- Latest
