Sen. Bato: ICC is all about control
MANILA, Philippines — Ang International Criminal Court (ICC) ay hindi para umano hanapin ang hustisya bagkus ay para kontrolin ang mga bansa na miyembro nito.
Ito ang pahayag ng dating PNP chief at Senador Ronald “Bato” dela Rosa matapos maghayag si Justice Secretary Jesus Crispin “Boying” Remulla kamakailan na ang pamahalaan ay makikipag-usap sa ICC sa hinaharap at pag-usapan ang ilang erya ng pakikipag-isa pag-iimbestiga sa Duterte administration’s drug war.
“Go ahead kung anong gusto nila. Hindi namin sila maco-control… Kung i-engage nila, sige lang, go ahead, basta ako, very solid ‘yung aking paniniwala na walang jurisdiction ang ICC sa ating bansa,” pahayag ni Dela Rosa.
“Pumasok kayo dito, ICC. We will go to the Supreme Court, we will seek judicial relief kung talaga bang may jurisdiction ang ICC dito,” dagdag pa nito.
Naniniwala si Dela Rosa na walang hurisdiksyon ang ICC sa Pilipinas matapos kumalas ang ating bansa sa Rome Statute, o ang kasunduang bumuo ng ICC, noong 2019.
Dinagdag pa ng mambabatas na epektibo na ang withdrawal ng Pilipinas sa ICC nang simulan ng mga prosecutors nito ang imbestigasyon.
Matatandaang nahaharap ang senador sa kasong Crimes Against Humanity dahil sa pagpapatupad ng War on Drugs ng administrasyon ni dating Pangulong Rodrigo Duterte, kung saan si Dela Rosa ang noo’y Philippine National Police (PNP) chief.
“Ang daming tao na nagsasabi na nagpapasalamat sa war on drugs dahil safe na ‘yung kanilang environment. So, for us, it’s a great success,” pagwawakas ni Dela Rosa.
- Latest
