‘CPP-NPA-NDF terror grooming’ tigilan - HOOCM
MANILA, Philippines — “Tigilan na ang ‘terror grooming’ kasabay ng pagkondena sa pagre-recruit nito ng mga Filipinong kabataan para hubugin bilang mandirigma ng New People’s Army (NPA)”.
Ito ang apela ng grupong Hands Off Our Children Movement sa Communist Party of the Philippines-New People’s Army (CPP-NPA) na kanilang tinuligsa ang pamamaraan ng NPA gaya ng Paaralang Jose Maria Sison (JMS) at iba pang mga pamamaraan o’ “educational” programs na itinuturo ang mga tinatawag na Espesyal na Kurso para sa Manggagawa (ESKUM Manggagawa) para maka-recruit ng kasapi ang naghihingalong CPP-NPA.
Anang grupo, ang mga programang ganito na pinangungunahan ng Defend Jobs Philippines, Kilusang Mayo Uno (KMU), Kabataan Partylist-NCR, League of Filipino Students-NCR, at Sining Bugkos, ang ginagamit para maka-recruit at nagsusulong ng kanilang agenda na labanan ang pamahalaan.
Pinatotohanan din nila Louvaine Erika Espina, Arian Jane Ramos at Kate Raca, na sumuko na matapos ang ilan taon bilang NPA, ang kanilang paghihirap habang sila ay hinuhubog bilang mandirigma ng NPA.
- Latest
