2 tiklo sa P3.4 milyong shabu buy-bust

MANILA, Philippines — Dalawang lalaki na umano’y drug pusher at dealer ang naaresto ng pulisya sa isang drug buy-bust operation sa parking lot ng isang mall sa Bacoor City, Cavite, kamakalawa.

Kinilala ng pulisya ang dalawang naarestong suspek na sina alyas Datu, 46, ng General Trias City, UV driver; at alyas Makadaya,  31, ng Brgy. Dalandanan, Malanday Valenzuela City, factory worker.

Sa ulat ng pulisya, bago nangyari ala-1:45 ng hapon nang ikasa ng PDEA 4-A ang buy-bust operation ng parking lot ng mall sa Brgy. Habay 2, Bacoor City ay unang plano ng drug deal ay Parañaque City, subalit binago ang lugar na natuloy sa Bacoor City.

Nakumpiska sa mga suspek ang may mahigit sa 500 gramo ng shabu na may halagang P3.4 milyong piso.