AcroCity todo ang suporta sa NBA Legends Cup

MANILA, Philippines —  Solidong suporta ang ibu­buhos ng AcroCity sa Negros Basketball Asso­cia­tion (NBA) Invitational Bas­ketball Tournament na didribol sa Pebrero 22 sa Po Hang gym ng Tay Tung School sa Bacolod City.

Itatampok sa AcroCity NBA Legends Cup ang mga prominenteng pla­yers ng Negros kagaya ni­na dating Ginebra star No­li Locsin, Bong Ravena at sina Vernie at Vic Villa­reas na naglaro sa mga ma­jor collegiate at amateur leagues patungo sa PBA.

“We are more than glad to be part of this momentous event that will see Neg­ros legends showcase once again the talents that have made them big in va­rious leagues,” sabi ni An­gelo Wongchuking, ang exe­cutive vice president ng Czark Mak Group na de­veloper ng AcroCity na ma­tatagpuan sa Bulacan at Central Luzon.

Ang AcroCity ang inaa­sahang magiging pinakabagong lifestyle hub ng re­hiyon.

“We have lots of friends from Negros who played for my team before, including Victor Villarias,” dagdag ni Wongchuking.

Kagaya ng kanyang utol na si Vernie, naglaro rin si Victor para sa University of the East sa UAAP at sa nabuwag na PBL.

“We know very well how they are missed by their families, friends and fans, so we are giving our sup­­port to their reunion games to provide fun,” wi­ka naman ni CZM Director Keith Wongchuking Jr.

Ang event, itinataguyod din ng Upgrade, Apir at Sapporo, ang magpapara­ngal din sa mga founding officials ng asosasyon sa pa­­ngunguna ni Dodong Bascon.