Clavel Asas Martinez, nitaliwan na
CEBU, Philippines — Mitaliwan na sa laing kalibutan ang usa sa mga inilang personalidad sa kuwatro distrito partikular na sa Dakbayan sa Bogo, Probinsya sa Sugbo.
Si kanhi bokal ug kongresista Clavel Asas Martinez namatay niadtong Enero 20 sa edad nga 82-anyos, nga gikompirmar sa iyang anak nga si Bise Mayor Mayel Martinez pinaagi sa social media.
"Though it pains us to say goodbye, Mom, we take comfort in the thought that you are now reunited with Daddy in heaven," matud ni Mayel.
"I showed up for work today, Mom because I know it is what Dad and you would have had me do. Mag emote na gani ko sa imo sa akong life you would always say, “Be strong, Inday. God will not leave nor abandon us,” dugang sa bise mayor sa siyudad sa Bogo.
Wala gibutyag sa pamilyang Martinez ang hinungdan sa kamatayon ni Clavel ug mihangyo og pagsabot nga sila buot magbangotan sa pribado. Ang haya anaa sa usa ka funeral homes sa barangay Lahug.
Ang Sangguniang Panlalawigan, mipasar og resolusyon pagpadayag og simpatiya ug pahasubo sa pamilyang Martinez.
"Her death leaves a void in the hearts of her family, relatives and friends, in and out of politics and public service. This body conveys their deepest condolences and sympathies to the grieving family she left, especially to one of her children, Provincial Board Member Celestino “Tining” Martinez III" pagbasa sa resolusyon ni bokal Glenn Anthony Soco, nga gipasar sa provincial board.
Si Clavel nahimong kongresista sa kwatro distrito gikan 1998 ngadto 2007, nahimo pud siya nga bokal sa maong distrito. BM BANAT NEWS
- Latest
