Foxies walang Christmas break

MANILA, Philippines — Habang nagbabakasyon ang ibang koponan ay abala naman ang Farm Fresh sa kanilang patuloy na pagpapakondisyon para sa kampanya sa Premier Volleyball League (PVL) All-Filipino Conference.

Ilang araw lamang nagpahinga ang mga Foxies at kaagad sumalang sa kanilang gym sessions.

Bago ang Christmas break ay nakalasap ang Farm Fresh ng 20-25, 21-25, 25-21, 27-25, 12-15 kabiguan sa Choco Mucho kung saan nagtapos ang kanilang two-game winning run.

Sa nasabing kabiguan ay humataw si Trisha Tubu ng 31 points para sa 2-3 kartada ng Foxies.

May 5-1 record ang Petro Gazz Angels, habang may malinis na 4-0 marka ang nagdedepensang Creamline Cool Smashers kasunod ang Cignal HD Spikers (4-1), Chery Tiggo Crossovers (4-2), PLDT High Speed Hitters (3-2), Akari Chargers (3-3), Flying Titans (3-3), ZUS Coffee Thunderbelles (2-3), Capital1 Solar Spikers (1-4), Galeries Tower Highrisers (1-5) at Nxled Chameleons (0-5).

Magbabalik ang PVL AFC sa Enero 18 tampok ang tatlong laro sa Philsports Arena sa Pasig City.