2024 KBP Month gibuksan kagahapon
CEBU, Philippines — Hingpit nga gibuksan ang KBP Broadcaster Month 2024 kagahapon adlaw nga Domingo nga gisugdan pinaagi sa usa ka parada nga nanukad gikan sa F. Ramos Street ning Dakbayan sa Sugbo padulong sa may USC North Campus.
Human sa parada gipahigayon ang Santos nga Misa nga gidumala ni Fr. Eric Soliven Sevencruz sa Redemptorist Church.
Matud pa ni Sevencruz, usa ka dakong gasa nga mahatagan og kahigayonan nga tigsangyaw ug magdala sa maayong balita ug dili fake news.
Dugang pa ni Sevencruz, mahimong epektibo ang usa ka media practitioner kung kahibalo gayud kita maminaw.
Gisunod gilayon ang Zumba, pag-ambit sa Philhealth, pagpili sa Ms. KBP and Mr. KBP 2024 diin ang mananaug mao sila si Mr. Kbp 2024 Remart Pogoy- DyHP and Ms. Kbp 2024 Elikha Joy Janaban- I-Fm.
Adunay mga raffles ug paduwa nga gipasalamat si Fr. Felmar Castrodes Fiel, SVD ang bag-ong KBP president sa pagtabang sa mga sponsors.
Gitak-opan kini pinaagi sa boodle fight nga gikalipay sa tanan mga nanambong. (BANAT NEWS)
- Latest