Gob. Garcia di gustong tubayan si Rama
![Gob. Garcia di gustong tubayan si Rama](https://media.philstar.com/photos/2024/08/13/2_2024-08-13_22-26-27.jpg)
CEBU, Philippines — Walay plano nga tubayan ni Gobernador Gwendolyn Garcia nga tubayan kining pamahayag pagsupak ni suspended Cebu City mayor Michael Rama nga ipahigayon sa Cebu City Sports Center ang Pasigarbo sa Sugbo karong tuiga.
"I only comment on worthwhile issues," matud ni Garcia. Si Rama mikwestyon kun nganong sa CCSC man ipahigayon ang maong kalihokan.
“Asa man atong sentido kumon ani? Pasigarbo sa Probinsya man na. Dili man na Pasigarbo sa dakbayan sa Sugbo,” matud ni Rama atol sa usa ka panagtigum kauban sa iyang mga supporters diha sa Casino Español niadtong adlaw nga Lunes.
Si Garcia igo rang nitubag og: "I don't dignify pettiness."
Si Rama ug Garcia taud-taod na nga nagbangi tungod sa pipila ka isyu apil na niini ang pagpahigayon sa Sinulog diha sa South Road Properties nga dili ganahan ang gobernador maong duh aka tuig na nga wala moapil ang probinsiya ug ning bag-o ang kabahin sa Cebu Bus Rapid Transit (CBRT) nga niresulta sa pagbiya sa gopbernador sa PDP-Laban.
Ang dakbayan sa Sugbo ubos sa pagdumala karon ni acting Mayor Raymond Alvin Garcia nga pagumangkon sa gobernadora, ug kini mitugot nga anha ipahigayon sa CCSC balik ang Pasigarbo sa Sugbo. Niadtong 2023, ang Pasigarbo didto gipahigayon sa Carcar human nga gipaubos sa renovation ang CCSC. (BANAT NEWS)
- Latest