Vina-Gary tandem gibanhaw

CEBU, Philippines — Subling magpares sa  usa  ka proyekto sila si Vina Morales ug  Gary Estrada pinaagi sa  bag-ong episode sa drama anthology sa GMA-7 nga  'Magpakailanman' .

Modala sila isip ex-lovers sa maong  episode  nga nag-ulohan og "The Woman That Got Away."

Kahinumdoman nga sikat kaayo ang tandem nila ni Vina ug Gary  niadtong  90s.

Dili na konektado sa talent agency ni Maja

Gikumpirmar  ni Maja Salvador nga nibiya  na sa  iyang talent agency nga Crown Artist Management Inc. ang aktor nga si John Lloyd Cruz ,ingon man usab ang aktres nga si Miles Ocampo.

Gikatahong  dili na kaayo aktibo sa showbiz  si Lloydie  ug girespetar  ni Maja ang desisyon niini.

Gani duna’y  gibalibaran si John Lloyd nga mga proyekto. Bag-ohay lang gisaulog ni Maja  ang 4th anniversary sa iyang talent agency.

TNT contestant  nga nanaot gi-disqualify

Gi-disqualify sa It's Showtime ang "Tawag Ng Tanghalan (TNT) Grand Resbak" contestant nga si Marco Adobas human gitawag niini nga  "cooking show" ang resulta sa maong kompetisyon  sa niaging adlaw. Ang pagpabuhagay  sa maong pasangil kay gi-post ni Marco sa iyang  Facebook account.

Sa statement sa  It's Showtime , gitataw niini nga dunay kalapasan nga gibuhat  si Marco  ug tun-an nila ang posibilidad alang sa pag-umol og legal nga aksyon batok niini.