Sold-out dayon!
CEBU, Philippines — Dul-an pa lang sa pito ka oras sa pagbukas ticket selling niadtong Sabado, na-sold out dayon ang umaabot nga konsyerto sa grupong SB19 nga "Simula at Wakas" nga mahitabo sa Philippine Arena karong Mayo 31.
"We did it!". From the bottom of our hearts, thank you so much for your overwhelming love and support. Solid kayo! We can't wait to see you all on May 31!" Mahal namin kayo!” social media post sa grupo.
Human sa Pilipinas, molarga ang SB19 sa 18 ka mga lugar sa Asia, North America ug uban pa alang sa laing mga hugna sa ilang konsyerto.
Delia Razon mipanaw
Nipanaw niadtong Sabado sa edad nga 94 ang award-winning actress nga si Delia Razon.
Ang apo niya nga si Carla Abellana maoy nipahibalo niini.
Wala hinoun niya gidetalye ang rason sa kamatayon sa iyang apohan.
Kahinumdoman nga nilungtad og 60 ka tuig ang showbiz career ni Delia kaniadto.
Target ni Fyang
Gawas nila ni Vice Ganda ug Kathryn Bernardo, gipangandoy usab sa “PBB Gen 11” Big Winner nga si Fyang Smith nga makatrabaho si Ivana Alawi.
Nalipay usab si Fyang sa dihang nadunggan niya and balita nga nauyonan ni Ivana ang iyang batasan. “Dumaan po siya sa feed ko and sobrang na-touch po ako. Sobrang na-overwhelm po ako kasi nag-iisang Ivana Alawi na sinabi na ako yung favorite niya," matud pa ni Fyang.
Tribute alang kang Trisha
Atol sa konsyerto ni Juan Karlos sa niaging gabii didto sa Sta. Cruz, Laguna, nidalit og awit ang singer alang sa nipanaw niya nga fan nga beauty queen nga si Trisha Macalagay. Gikanta ni JK ang "Through the Years".
Si Trisha ang graduating student sa Laguna State Polytechic University (LSPU) nga namatay niadtong Marso 13 gumikan sa sunog sa maong tunghaan. Nibisita usab si JK sa haya sa beauty queen.
Bag-ong Star Magic talents
Pormal na nga gipaila sa ABS-CBN sa niaging adlaw ang upat ka bag-ong talents sa Star Magic nga naglangkob nila ni Esang, James Philippe, Jarlo Base ug Diego Gutierrez.
Naghinam-hinam na ang nahisgotan nga singer-songwriters sa umaabot nila nga mga proyekto.
Andrea gi-unfollow ni Daniel
Niulbo ang chika nga matud pa taod-taod na nga wala nagtagdanay sila si Daniel Padilla ug Andrea Brillantes.
Nabatyagan usab sa netizens nga gi-unfollow na ni Daniel si Andrea sa Instagram.
Kahinumdoman nga na-link si Andrea kang Daniel kaniadto. Tak-om lang ang duha ka kampo kalabot sa maong intriga.
- Latest
