Baron balik-trabaho

CEBU, Philippines — Human  gisagobang  ang init nga isyu sa niaging adlaw, balik-trabaho na si Baron Geisler ug usa sa gikabisihan niini mao ang  pelikula nila ni Beauty Gonzalez.

Usa kini  ka   horror movie sa BLVCK Studio nga nag-ulohan og "Tag-Ulan” ug nalakip usab niini sila si  Mark Herras, Jana Agoncillo, Marnie Lapus, Kaleb Ong ug uban pa.

Kahinumdoman nga gisumsoman sa niaging adlaw ang taho kalabot sa pipila ka oras nga  pagkapriso ni Baron gumikan kay nakakita kini og gubot tungod sa kahubog .

Kasamtangan usab nga nalakip ang aktor sa  Kapamilya series nga Incognito. 

Moira gitagakan og water bottle?

Sa usa ka mall show  ni Moira dela Torre,   hapit naigo si   Moira dela Torre  og water bottle  samtang nag-perform  kini sa entablado,  Giingong nagikan sa taas nga bahin   ang maong water bottle. Sa nikatap nga video, makita nga  wala nagpaapekto  si Moira ug kalmado gihapon kini  nga nipadayon sa iyang pagkanta.  Nagkalain-laing ang reaksyon sa netizens nga   nakakita sa   maong video , matud pa nila nga wala kini matuyo. Apan duna pu’y uban nga niingon nga posibleng gituyo ang pagtakag sa water bottle.

Pagkabungkag  sa The Hunks

Human sa taas nga panahon, gipaambit na ni Carlos Agassi ang nag-unang rason  kun nganong nabungkag kaniadto ang grupo niya nga The Hunks. Suma pa ni Carlos  nga  gipili sa mga miyembro niini   ang pag-atiman sa  tagsa-tagsa nila ka mga  career . “Guys kaya nga nabuwag kasi gusto ng kanya-kanyang career ng iba kasi ka ‘pag group, pantay-pantay kami sa –– sa exposure, sa TF (talent fee), sa career. So para makaangat ‘yung iba, parang nabuwag .Ganun na nga ‘yung nangyari and then wala na talaga,” suma pa ni Carlos.

Wala matandog

Kever  ra si  Jam Villanueva  sa anam-anam nga pag-ubos sa  gidaghanon  sa iyang followers sa  social media.  Kanhi uyab  ni Anthony Jennings  si  Jam ug nahimong kontrobersyal ang ilang breakup kaniadto human nitumaw ang pangalan ni Maris Racal nga maoy rason sa ilang panagbuwag,  “My world is not revolving around it naman, but I am thankful for those who still stay and show support,” ni Jam pa. 

Ipadakop ang scammer Pokwang midangop sa NBI

Nagpatabang ang komedyanteng aktres nga si Pokwang sa  National Bureau of Investigation (NBI) aron madakpan ang  giingong  scammer nga nigamit sa iyang  home address sa  Antipolo alang sa usa ka fake staycation address.

Matud pa sa aktres nga pipila na kini  ka buwan   nga gibuhat sa maong scammer.

“Magaganda yung mga pino-post doon sa account niya…Ikaw naman ma-e-enganyo ka talaga. Pero wala talagang ganoong resort,” matud pa ni Pokwang sa interview niini sa 24 Oras.

Nakugang  ang aktres  gumikan kay pipila na ka higayon nga dunay nanuktok sa ilang panimalay ug nasuta niya nga puros kini nabiktima sa scammer.

“Natatakot ako para sa family ko. Nilagay mo sa risk yung buhay ng pamilya ko. Hindi kita titigilan. Kakasuhan ko siya,” ni Pokwang pa. 

"Killing me softly with his sonG" singer MIPANAW

Mipanaw na sa edad nga  88   ang  beterana nga  soul singer nga si  Roberta Flack  niadtong Lunes , Pebrero 24, 2025.

Ang publicist sa singer  maoy nikumpirmar sa maong taho ug wala pa gidetalye ang rason sa kamatayon niini .

Usa sa mga  sikat nga awit   ni  Roberta    mao ang “Killing Me Softly With His Song”.