Baron: "I'm okay"

CEBU, Philippines — Gibutyag ni Baron Geisler nga duna'y nikatap nga taho nga dili mao batok kaniya   ug  gitataw niya nga okay ra gyud siya karong panahona ug  nikuha na siya og legal advice sa  kasamtangang butang nga iyang gisagobang.

"There's a lot of misinformation circulating, especially from news outlets that failed to verify the facts before reporting. Irresponsible journalism has blown things out of proportion, creating unnecessary confusion. I want to make it clear-I'm okay, and I'm seeking legal advice to address this properly,"social media post ni Baron.

Gipasalamatan usab niya ang mga tawong nibarog kaniya.

"To those who continue to stand by me, thank you. Your support means everything," ni Baron pa.

Una na nga nigawas ang taho nga napriso si Baron sa niaging adlaw sa Police Station 6 sa Mandaue City Police Office ug gikatahong nakakita kini og gubot tungod sa kahubog.

Baruganan ni Ashley

Alang kang Ashley Rivera,   dili kinahanglan nga mag-uban kanunay  ang  mag-uyab. Matud pa niya nga kinahanglan duna pu'y oras ang tawo alang sa kaugalingon niini ug dili sa tanang higayon nga nakapilit kini sa iyang uyab.“Because, I'm still my own person. So, kunwari ako I want my 'me time.' I want to spend time with my family or with my friends. Dapat hindi siya issue," saysay pa sa aktres ngadto sa programang Your Honor.

Resulta sa pagkugi

Nakapalit og kaugalingon niya nga  farm ang aktor nga si Wilbert Ross.  Mao kini ang resulta sa iyang pagkugi sa showbiz. Gipalitan usab niya og laing luna ang iyang mga ginikanan.

"Palagi" gi-perform ni Taeyang

Giawit  sa BigBang member nga si  Taeyang ang OPM song ng "Palagi " ni TJ Monterde atol sa iyang konsyerto dinhi sa nasud sa niaging gabii. Nakadawat kini og pag-abiba sa iyang fans gumikan sa maayo niya nga pagkanta sa maong awit, “Manila, I love you… palagi,” suma pa sa maong South Korean star.

Robi gihulga sa iyang basher

Wala palabya ni Robi Domingo ang mensahe sa iyang basher  nga nanghulga kaniya.

Giingnan siya sa usa sa iyang mga  basher nga ilampurnas siya og maayo kun maabot sa punto nga iyang itupo si Donny Pangilinan ngadto kang Kathryn Bernardo.

Suma pa ni Robi nga tataw kaayo nga nanghulga kaniya ang maong basher busa posible mga mohimo siya og legal nga aksyon batok niini.

"Can I consider this as a threat? Can I take legal actions against this? I don’t tolerate this behavior," suma pa ni Robi.

Usa si Robi sa mga host sa Season 7 sa Pilipinas Got Talent, samtang nalakip sila si Kathryn ug Donny sa mga hurado sa maong show kauban sila si Freddie “FMG” Garcia ug Eugene Domingo.

'Kapuso Royal Tropa ni Kuya’ andam na!

Naghinam-hinam na si  Mavy Legaspi alang sa pagsulod niya isip dugang  host sa  umaabot nga celebrity edition sa Pinoy Big Brother.

Suma pa sa aktor nga andam na kaayo siya sa iyang role isip  ‘Kapuso Royal Tropa ni Kuya’.

Makatrabaho niya sa maong reality show sila si Bianca Gonzales, Melai Cantiveros, Kim Chiu, Enchong Dee, Alexa Ilacad, Robi Domingo, ug Gabbi Garcia.

“Thank you, Lord! I can’t wait to meet the housemates. Can’t wait to learn from the amazing PBB hosts. I won’t let any of you down. Ready to host,” matud pa ni Mavy.

Rica wala matandog sa gipanulti kaniya

Gitubag ni  Rica Peralejo ang komento sa pipila ka mga tawo nga nitawag kaniya  og bati'g nawong, tiguwang ug laos. Giklaro niya nga dili siya maapektohan sa bisan unsa nga mga pulong nga ibato kaniya.

“Yung mga nagcocomment na ang panget ko, laos ka na, tanda na, basta yung alam kong napangitan sayo – hindi ko talaga magets pano nila nasasabi yun lalo naman sure ako mas maganda at successful naman ako (kay) sa kanila. Like di ako naiinis di ko lang magets yung math nila hahahahahaha!” social media post ni Rica.