Nangandam na sa world tour

CEBU, Philippines — Gisugdan na sa grupong BINI ang pag-rehearse  sa ilang umaabot nga world tour. Suma pa sa maong grupo nga duna sila'y  bag-ong mugna sa ilang mga production number nga angayan atngan sa ilang fans.  Excited na usab sila nga ipalanog ang ilang mga bag-ong awit.

Showbiz industry nagbangotan sa kamatayon ni Gloria

Nipadangat sa ilang mga pahasubo pinaagi sa social media  ang pipila ka mga artista nga nagbangotan sa kamatayon sa beteranang aktres nga si Gloria Romero. Kahinumdoman nga nipanaw ang aktres  sa edad nga 91 niadtong  Sabado, Enero 25, 2025 ug wala pa gidetalye ang rason sa kamatayon niini.

Ang kauban ni Gloria  sa Palibhasa Lalake nga si  Amy Perez kay nipadayag nga mingawon gyud siya sa nahisgotan nga showbiz icon. "Mommy, I will miss you.  Thank you for everything.  Rest now in the loving arms of our Lord Jesus Christ. Love you forever," matud pa ni Amy. Samtang si  Charo Santos  sa iyang bahin, gipadayag niya nga nakatatak na gyud  ang pagka-maayong  aktres ni Gloria. "Watching her movies felt like entering a world of magic, where she brought every character to life with such authenticity, elegance and grace. Never in my wildest dreams did I imagine that one day, I would have the honor of working with her," nagkanayon si  Charo. Dili usab niya malimtan ang iyang kasinatian isip producer   sa "Kapag Langit ang Humatol"  kun diin saksi gyud siya sa pagka-propesyonal ni Gloria sa trabaho niini. "Tita Glo had this remarkable way of making everyone around her feel valued and respected. She treated every role with the same reverence, from her award-winning performance in Dalagang Ilocana, her unforgettable portrayal in Tanging Yaman, to the heartwarming comedy of Palibhasa Lalake, where she became our ever-charming Tita Minerva," dugang pa ni  Charo. Samtang  gipasigarbo usab ni Barbie Forteza ang opportunidad nga nakatrabaho ang beteranang aktres.

"This is so heartbreaking. Buong buhay ko pong ipagmamalaki na nakatrabaho ko po kayo. Rest in paradise, Ms. Gloria Romero," ni Barbie pa. Si Cherry Pie Picache sa iyang bahin, dili matud pa malilong ang titulo  ni Gloria isip Queen of the Philippine Cinema.

"I love you Tita Glo. Rest now in the loving arms of our Father and His perpetual light shine upon you. Heaven will definitely shine brighter with one of the most beautiful soul, being home," ni Cherry Pie. Sa pagsuwat niining balitaa,  nagpusot-pusot  pa ang mga mensahe sa ubang mga artista nga nipadangat og  tribute ngadto sa aktres.

Gisugot ni Aira

Gisugot na sa Kapuso star nga si Aira Lopez ang lalaking nanguyab kaniya nga si Batangas Vice Governor Mark Leviste. Sukad sila nag-dinner date,  gihatagan dayon nila kini  og espesyal nga selebrasyon  matag buwan hangtod nga naporma gyud ang usa ka relasyon.  Ex-boyfriend  ni Kris Aquino si Vice Governor  Mark.

Mosulod sa showbiz

Gipangandoy sa 26 anyos nga si Miss Supermodel Worldwide Philippines  Charyzah Esparrago nga mosulod sa showbiz.  Suma pa ni Charyzah nga nakatambong na siya kaniadto og  mga acting workshop  busa duna gyu'y posibilidad nga mahatagan og katumanan ang iyang pangandoy.

MV ni Bruno gipistahan

Gipistahan og maayo sa music lovers ang latest music video ni Bruno Mars alang sa awit  nga  “Fat, Juice & Wet” kun diin ka-collab  niini ang American rapper nga si Sexyy Red.

Nasurpresa ang kadag-hanan gumikan kay nilugwa usab sa maong music video ang sikat nga mga personalidad nga sila si Lady Gaga ug  Rosé sa Blackpink. Duha  pa lang ka adlaw gikan sa pag-upload niini, nakalangkat dayon kini  og minilyon ka views.

Bela balik-full time sa showbiz

Gibutyag ni Bela Padilla nga mobalik na siya og full time sa showbiz busa permanente na ang pag-istar niya dinhi sa Pilipinas sugod karong tuiga.

Kahinumdoman nga  kapin sa usa ka tuig siya nga nagbase sa London   hinungdan panagsa ra siya nidawat og showbiz projects sa niaging tuig.

Gitataw sa aktres nga nalingaw ra gyud siya sa pag-istar didto sa London.

 “London also gave me the best friends that one could develop in adulthood, abroad. Our shared love for food, pints of Guinness or ciders, homesickness, overpriced takeaway and complains about the bitter cold of winter glued me to them in ways that sometimes saved my sanity," matud pa sa aktres.