Ang bongga naman ng ex ni Kris Aquino na si Batangas Vice Governor Mark Leviste na jowa na ang isang Sparkle artist na nagngangalang Aira Lopez.
Nag-hard launch na ng kanilang relasyon ang dalawa matapos i-post ni Aira ang video nila sa TikTok kung saan napa-oo siya ng pulitiko.
Sa caption niya ay sinabi niyang sineselebreyt nila ang espesyal na araw na una silang nag-dinner.
Makikita sa video na si VG Mark pa talaga ang nag-record sa kanyang sarili mula pagkatok nito sa pinto ni Aira na may dalang bulaklak. Nakalimutan pa nito ang inilapag na cell phone na ginamit pang-record na tinawanan lamang nila.
May pa-bulaklak nga rin sa kanya si Aira.
Sa dinner nila ay dinaan ni VG Mark sa dessert nila ang pagtanong nito ng “Will you be my girlfriend?” at napa-yes naman niya ito.
Walang nag-nega sa relasyon nila ha at puro positibo ang komento sa pinost nitong video.
Marami ang kinilig at napangiti sa kanila at para nga raw bumata ang pulitiko. Iba raw talaga ‘pag in love.
Sa video ay nagpasalamat si Aira kay VG Mark sa pagpuno nito ng saya sa puso niya.
Sa kabila nga raw ng 20-year age gap nila ay meron itong bright outlook sa buhay, compassion at genuine commitment kung saan binigay nito sa kanya ang pagmamahal na hindi pa niya naranasan.
Dagdag nga niya “Age doesn’t define us; happiness does, and I pray for God’s blessings as we journey forward together.”
Ganun. Ok. Fine.
Nawa’y magtagal sila. Hahaha.