Maba-bash na naman nito si Sanya Lopez dahil magkasama sila ni David Licauco sa TikTok video ni Chanty ng Lapillus. Guests ni Chanty ang dalawang bida sa pelikulang Samahan ng Mga Makasalanan sa bago niyang TikTok video, eh mainit na ang dugo ng BarDa fans kay Sanya dahil kay David.
Kahit sabihin pang kasama sa promo ng nabanggit na pelikula ang madalas na sightings sa kanila, ayaw pa ring tanggapin ng ilang fans. Paano magpo-promote ang dalawa kung hindi sila magkasama?
Anyway, sumayaw sina Sanya at David sa music ng Send My Love (To Your New Lover) na may more than 2 million views na sa early posting pa lang na siguradong madadagdagan pa ang views nito.
Sobrang saya ni Chanty sa kanyang guests at sabi pa nga, “Tiktok collaaaab! With the lovely ate [Sanya] and kuya [David].”
Nakakatuwa lang dahil hindi dancer si David, pero para kay Chanty, nag-effort siyang sumayaw.
Rufa, nag-‘see you soon’ sa namatay na GMA exec!
Pinatawa ni Rufa Mae Quinto ang mga nakabasa ng message niya na nakiramay sa pagkamatay ni Marivin Arayata na former executive ng GMA Network. Sabi kasi ni Rufa, “At condolence nga pala sa family ni Tita Marivin. Mother ko yon. See you soon, SEE YOU SOON.”
Reaction ng netizens, okay na ang first part ng message nito, except for the last part. Bakit daw may pa-“See you soon” pa sa message nito. Saan daw kaya siya makikipagkita kay the late Marivin?
Kung babasahin ang caption ng Instagram post ni Rufa, matatawa ka talaga sa mga hirit nito. Sample, “Thanks to myself! Nag file na lahat ng nagaganap sa life ko lately! Este pile up pala” at “New hair cut, new hair color, new me. Bright hair, brightness personality.”
In fairness, todo ang suporta ng netizens sa kanya, pinalalakas nito ang loob niya at pinapayuhang ‘wag sumuko sa mga hinaharap nitong problema. Nakisabay pa ang asawa nito sa problema ng aktres, kaya kasama si Trevor Magallanes sa galit ng netizens na mahal si Rufa.
Jessica, Kara at iba pa, pipigain ang mga Senatoriable
Sina Jessica Soho, Kara David, Pia Arcangel, Emil Sumangil at Vicky Morales ang haharap sa mga senatoriable sa mangyayaring Tanong ng Bayan: The GMA Senatorial Face-Off 2025.
Naka-schedule ang face-off na ito sa Feb. 1, 2025 , 9:00 p.m. sa GMA Network, Pinoy TV at DZBB. Mapapanood din ito sa GMA Public Affairs at GMA Integrated News YouTube channels at Facebook pages.
Hindi pa in-announce kung sino sa mga senatoriable ang makakaharap at mai-interview ng grupo nila.
Tanong pa ng netizens, sa rami ng senatoriables, may part 2 ba ito? Gusto nilang sumalang ang lahat ng kakandidatong senador para marinig ang mga sagot nila sa mga itatanong sa kanila.