Jodi nakahuman og psychotherapy training

CEBU, Philippines — Malipayong gipahibalo sa Kapamilya actress nga si  Jodi Sta. Maria nga nakahuman  na siya sa iyang gikuha nga  Level A Interpersonal Psychotherapy (IPT) training.

Suma pa sa aktres nga nakuha na  niya ang iyang certificate  nga nagpamatoud nga nakahuman  gyud siya sa maong training,

“This training wasn’t just about gaining tools to help others heal—it was also a personal awakening. I walk away with a deeper understanding of my own connections,” matud pa ni Jodi.

Action-drama series  nila ni Jen ug Dennis plantsado na

Pormal na nga gipaila sa  GMA Network  ang mga artista  nga makauban  nila ni Jennylyn Mercado ug Dennis Trillo sa  upcoming action-drama series nga Sanggang Dikit.

Malakip sa maong proyekto sila si  Seb Pajarillo, Zoren Legaspi, Marina Benipayo, Al Tantay,ug  Nova Villa.

Pasok usab ang pangalan nila ni Joross Gamboa, Roi Vinzon, Allen Dizon, Sam Pinto,ug  Matthew Uy .

Matud pa nga ang peg  sa maong action-drama series  kay  susama sa estilo sa  '80s action films. Gawas sa maong  series,    duna pu’y  upcoming movie sila si Jennylyn ug Dennis nga nag-ulohan og  "Everything About My Wife" ug makita na kini sa mga sinehan karong  Pebrero  26.

Sa laing bahin, emosyonal si Jennylyn sa pag-renew niya sa iyang kontrata sa GMA Network sa niaging adlaw.

"Taus-puso po akong nagpapasalamat sa lahat ng tumulong sa akin, at of course, sa GMA, sa patuloy na pagmamahal at sa patuloy na pag-support at pagtanggap pa rin po sa akin.Sa totoo lang, never naman po ako nakampante na ire-renew ako. Kasi sa totoo lang, ang dami nang artista na magagaling ngayon sa industry, nag-e-evolve tayo.To be here means so much. At wala po akong ibang nararamdaman kundi gratitude.I'm so grateful and I'm so happy na nakabalik na ako sa aking bahay after ng mahabang bakasyon,” saysay pa sa aktres.

Kahinumdoman nga  niadtong 2003 nagsugod ang showbiz career ni Jennylyn sa Kapuso Network sa dihang napili kini isip  Ultimate Female Survivor sa  unang season sa  reality-based artista search nga StarStruck.

Ngabil ra ang gihilabtan

Giklaro ni  Heart Evangelista nga wala gyud gipaubos og  plastic surgery ang   iyang nawong, gawas lang sa iyang ngabil.

 “Lips lang ‘yung naiba, lips lang ‘yung pinagawa ko, that’s true,” suma pa ni Heart sa iyang Instagram video.

 Nagkanayon si  Heart nga igo ra siya  nisulti  sa tinoud. “Hindi talaga, mamatay man, seryoso,” niya pa.

Sing Galing banhawon sa TV5

Mobalik na sa kahanginan  karong Marso   ang videoke game show sa  TV5  nga  Sing Galing.

Kahinumdoman nga ang  katapusang pag-ere  sa Sing Galing kay  kay niadtong  Disyembre 22,  2022.

Ang hosts sa  pagbalik sa maong programa kay naglangkob nila ni Randy Santiago, Rey Valera, Ethel Booba, K Brosas, ug Allan K.

Ang pagbalik ni Marimar

Nagmaya  ang Pinoy fans  ni Thalia    gumikan kay nakita na nila og  balik sa telebisyon ang ilang idolo.  Nasayran nga gi-ere sa TV5   sugod niadtong Enero 20    ang sikat kaayo nga  Mexicanovela  nga Marimar.   Kahinumdoman nga  puwerting sikata sa  Marimar  sa dihang gi-ere kini dinhi sa Pilipinas niadtong 1994.

Andam motabang kang Charice

Andam tabangan ni  Ice Seguerra ang  susama niya  nga singer nga si Jake Zyrus nga kasamtangang nag-istar sa  Amerika. Gidungog nga naglisod si Jake karong panahona gumikan kay wala kaayo'y kisaw ang career niini. Nanghinaot si Ice nga mahimong okay ang kahimtang ni  Jake.

“MathDali Grade 1”

Gipaneguro nga malingaw  og samot  ang  mga chikiting alang sa pagtoon og  Math alang sa dugang  10 ka  episodes sa  “MathDali Grade 1”  nga gidalit sa  Knowledge Channel Foundation, Inc. Si Robi Domingo ang host sa maong prpgrama. Makita ang  “MathDali Grade 1” matag alas  7 sa buntag  ug alas  7 sa gabii.  Lunes hangtod sa Domingo  sa Knowledge Channel nga makita usab sa  free TV pinaagi sa BEAM channel 31, cable, direct-to-home satellite DTT ug  iWantTFC.