"Incognito" nag-una sa Netflix
CEBU, Philippines — Naglawig karon sa Netflix Philippines ang ABS-CBN series nga "Incognito".
Sa pagsulat niining balitaa, kasamtangan kini nga nahimutang sa No.1 sa Top 10 TV shows sa nahisgotan nga streaming app.
Ang "Incognito" kay gibitoonan nila ni Ian Veneracion, Daniel Padilla, Richard Gutierrez Baron Geisler, Kaila Estrada, Maris Racal ug Anthony Jennings. Nagsugod kini sa Netflix niadtong Enero 17.
Daniel makigbalik kang Kathryn?
Nikatap karon ang hungihong nga matud pa nangita gihapon og pamaagi si Daniel Padilla aron mahinabi niya og balik ang iyang ex-girlfriend nga si Kathryn Bernardo.
Sibling nabanhaw ang chika nga ganahan matud pa si Daniel nga magbalik sila ni Kathryn.
Susama nga busy ang kanhi mag-uyab sa tagsa-tagsa nila ka mga proyekto.
Plastikay lang?
Miulbo ang chika nga dili pa gyud okay pagtinagdanay sa Kapamilya loveteam nga sila si Maris Racal ug Anthony Jennings.
Giingong nagplinastikay lang ang duha ilabi na karon nga kauban sila sa Kapamilya series nga Incognito. Kahinumdoman nga gilamoy sila sa kaulaw sa niaging tuig human naboking ang ilang relasyon ug nasuta nga duna pa'y uyab si Anthony sa dihang nagkahigugmaay sila. Puwerting lagota ni Maris ngadto kang Anthony gumikan kay nagpaaron ingnon kini nga single kaniadto hinungdan nga naporma gyud ang ilang relasyon.
Mi-perform sa Japan
Dili gyud malimtan sa miyembro sa SB19 nga si Felip ang espesyal nga pagsaulog niya sa iyang birthday niadtong Enero 12 gumikan kay naatol usab kini sa iyang pag-perform isip representante sa Pilipinas sa D.U.N.K. (Dance Universe Never Killed) event didto sa Japan.
"The show was really massive and one of the biggest stages I've performed in. It's such a huge honor!", social media post sa singer.
Laban Tarah!
Todo pangandam na si Tarah Valencia alang sa umaabot nga Miss Supranational 2025 nga pagahimoon sa Poland karong Hunyo. Kahinumdoman nga ang unang korona sa Pilipinas sa Miss Supranational kay nalangkat ni Mutya Johanna Datul niadtong 2013.
- Latest
