Randy temporaryong mohulip kang Willie

CEBU, Philippines — Ang comedian -singer  nga si Randy Santiago maoy tempraryong mohulip kang Willie Revillame  isip  host sa  programa sa TV5 nga  Wil To Win sa higayon nga magsugod na ang kampanya alang sa umaabot nga eleksyon.

Nasayran nga  nidagan si  Willie pagka-senador sa  2025 midterm elections.

Katapusang molugwa si Willie sa maong show karong  Pebrero 10 sa dili pa siya mabusy sa kampanya.

Karla  ug uyab sa Ex-BF nag-away

Gisumsoman karon sa pipila netizens ang giingong engkwentro nila ni  Karla Estrada ug sa giingong girfriend sa iyang kanhi uyab.

Gipikhan   si Karla sa social media sa maong babaye.

”Karla estrada nanahimik ako! wag mo damay work ko. nanahimik ako mommy," matud pa sa maong babaye. Wala hinoun matino ang ugat sa ilang away.

Samtang sa latest Instagram post ni Karla, nipadayag kini nga ang mga abogado ra niya ang iyang ibala  ug duna siya'y gipadungog-dungog nga tataw pasakaan niya og kaso.

”I dont have time for this But my Lawyers has.Cyber Libel here we go," ni Karla pa. -SJA

“STATE of Mind” ni Shanaia, naputos sa gugma"

Pampagaan sa feelings   ang tema sa  “State of Mind” ,ang bag-ong single sa rising Kapamilya singer-actress nga si Shanaia Gomez.

Gikan sa komposisyon ug produksyon ni Jeremy Glinoga ang  maong awit nga naghisgot  sa ala-damgo  nga gugma.

Nahimong supervising producer usab niini ang StarPop label head nga si Roque “Rox” Santos.

Gisundan niini ang mga  nag-unang  single ni Shanaia nga “Cloud 9” ug “Slow Dancing” nga nagtuyok gihapon sa tema sa gugma.

Nagsugod  ang music career ni Shanaia sa dihang niapil kini sa unang season sa “Idol Philippines” niadtong 2019. Gilusad usab niya ang debut single nga “Para Sa’yo” niadtong 2022 nga nahimong kabahin sa Spotify EQUAL Philippines playlist.

Gawas sa musika, nailhan usab siya isip housemate sa “Pinoy Big Brother: Kumunity Season 10.”

Gisudlan pud  ni Shanaia ang pagka- aktres ug nahimong bitoon sa mga  Kapamilya series nga sama sa “Click, Like, Share,” “He’s Into Her,” ug “FPJ’s Batang Quiapo.”

Sa niaging  tuig, nakadawat siya og mga pagdayeg alang sa hugyaw niya nga performance sa comedy musical nga “The 25th Annual Putnam County Spelling Bee” ug sa iWantTFC horror film nga “Gatekeeper.”

Ang bag-ong awit ni Shanaia nga “State of Mind” kay madungog sa nagkadaiyang  digital streaming platforms.

Joshua balik-showbiz

Mibalik na sa showbiz ang aktor nga si Joshua Dionisio ug nalakip kini sa bag-ong Kapuso series nga Long; Bayani ng Bayan.

Pagadalhon niya ang karakter ni Gimeno  sa nahisgotan nga serye.

Si Joshua kay kanhi ka-loveteam ni Barbie Forteza.

Target ni Apl.de.ap

Human nagmalam-puson si Apl.de.ap sa pakig-kolaborasyon niya sa SB19,  target napud niya nga makatrabaho puhon ang The Voice USA champion nga si Sofronio  Vasquez ug ang grupong BINI. Nahisgotan kini sa singer sa dihang nitambong kini sa usa ka kalihokan  sa niaging gabii .

Proud sister

Gipasigarbo ni Julia Barretto ang iyang igsoun nga si  Dani Barretto gumikan kay nagmalampuson kini sa pagka-negosyante niini.  Suma pa sa aktres nga wala sila'y kompetisyon sa iyang igsoun ug todo suporta sila sa usag-usa.

Naghinilakay

Giangkon ni Jessy Mendiola nga naghinilakay gyud sila sa iyang bana nga si Luis Manzano sa dihang nananghid ang naulahi  kaniadto nga mosulod sa politika. Hinoun nakasabot ra gyud siya sa nakab-ot nga hukom sa iyang bana. Nidagan si Luis pagka-bise gobernador sa Batangas.