Karylle mihangyo sa mga politiko

CEBU, Philippines — Giawhag  sa singer-actress nga si  Karylle ang mga politiko nga  nagpapili  sa umabot nga  2025 midterm elections nga motambong gyud og mga debate aron  masuta sa publiko  ang ilang mga  plano alang sa katawhan,

Gipabuhagay kini ni Karylle atol  sa guesting niya sa morning radio show  nga Good Times.

Suma pa sa singer  nga kinahanglan  masayod ang katawhan  sa umaabot nga mga leader  kun unsa ang mga baruganan niini sa pipila ka mga isyu.

“That’s why we have to demand it, as voters ,  as people. It is our job as voters to be more noisy about ‘right namin 'to, right namin na mapanuod kayo.’ Gusto namin marinig more than your jingle, more than your TikTok dance, whatever. What are you about–– we want to know,” saysay pa niya,

Gitataw  niya nga  kinahanglan nga responsable ang mga politiko sa gisudlan nila nga butang, 

“We have to demand this. This is our right. It’s like being in a bad relationship. If you accept it, and you’re okay with it, aren’t you kind of accountable? You have to speak up. We have to reclaim our voice as the voting public,” ni Karylle pa.  

Marketing management student  napili isip Ms.  Cebu 2025

Ang 21 anyos nga  marketing management student  nga si Christine Escanilla   maoy nakalangkat sa titulo nga Miss Cebu 2025  .

Gipahigayon ang koronasyon sa   Waterfront Cebu City Hotel and Casino niadtong  Miyerkules sa gabii .

Prayoridad karon ni  Christine   mao ang iyang adbokasiya  kun diin palapdan pa niya og maayo  mga programa alang sa kakabaenhan ug katiguwangan. 

Ang ubang mga mananaog sa maong prestihiyosong indigay kay naglangkob nila ni Angela Magienda Aumonier (1st runner-up), Maijezel Sarcol (2nd runner-up), Tatiana Shantal Benedetti (3rd runner-up) , ug Kiara Liane Wellington (4th runner-up).

Samtang ang resulta sa special  ug minor awards  ;  Miss Friendship Waterfront (Kiara Liane Wellington ) Miss Photogenic by Macy's Camerashop (Angela Magienda Aumonier ) , Best in Urban Cebu Wear( Cestine Aury Fenix ) , Best Urban Cebu Wear Designer (Hanz Coquilla / gisul-ob ni  Cestine Aury Fenix), Miss Charity by BingoPlus (Kiara Liane Wellington ), Miss Oro Galleria( Kiara Liane Wellington ), Best in Sustainable Fashion by Omoda (Christine Escanilla ), Best in Content Creation (Irene Kyle Salutan ), Best in Evening Gown: ( Christine Escanilla ) Best Evening Gown Designer ( Wendell Quisido / gisul-ob ni  Kiara Liane Wellington) .

Si Sinulog Idol 2024 grand champion John Ryan Panuncialman maoy usa sa mga  ni-perform  isip guest sa maong indigay .  Wala usab nagpaulahi  sila si Soprano Rachele Gerodias ,  Baritone Byeong , ug Erico Blaza  alang sa hugyaw nila nga song numbers .

Nidalit usab og awit alang sa mga kandidata  atol sa Urban Wear segment   ang grupong  VXON  ug gipakpakan gyud og maayo ang ilang performance. Ang mga miyembro sa XVON kay  gilangkoban nila ni C13, Patrick, Franz, Sam, ug  Vince.

Nihmo sa ilang farewell ug final walk niadtong gabhiona si Miss Cebu 2024 Zoe Cameron inubanan sa iyang mga runner-up nga sila si  Joelle Devine Dequito Uy, Danielle Mckaye Dela Cruz, Angel Jane Ruiz and ug up Shaina Michelle Reyes.

Sila si Kris Tiffany Janson ug  Atty. Oliver Moeller maoy   hosts  sa coronation night sa  Miss Cebu 2025.

Ang Miss Cebu 2025 kay nagtangag sa tema nga  "Embodying the Heart of the City."

Trending nga ang MV

Ang "Pinoy Big Brother Gen11" big winner nga si  Fyang Smith ug ang kanhi housemate nga si  JM Ibarra maoy nagpares sa music vudeo sa awit ni Regine Velasquez nga "Wherever You Are".  Mao kini ang kasamtangang nag-una sa listahan sa Trending for Music sa YouTube Philippines.Pipila pa lang ka oras gikan sa pag-release niini niadtong Myyerkules, nakalangkat dayon kini og  minilyon ka views sa YouTube page sa  Star Music.

Nakab-ot ang P800M nga target

Nakuha gyud sa  Metro Manila Film Festival (MMFF)  2024  ang target niini nga  P800 million nga  gross ticket sales . Ang Top 3 nga mga pelikula nga base sa  sales receipts kay naglangkob sa  "And The Breadwinner Is...", "Green Bones", ug "The Kingdom.". Una na nga gianunsyo sa Star Cinema nga nikita na og kapin sa P400 million ang pelikula ni Vice Ganda nga "And The Breadwinner Is...".

Mosulod  og boy group

Wala’y plano ang anak ni Jean Garcia nga si Kotaro Shimizu nga mosulod sa  kalibotan sa pag-arte. Apan intresado  kini  nga mo-perform  sa entablado .  Nasayran nga gipaubos karon si Kotaro og training sa usa ka boy group.  Gipaabot nga ilusad karong tuiga  ang maong  boy group ug  dili pa mahimo  ibutyag ang pangalan niini.